Вадим Абрамов: "Рақиб бизга ўз ўйинимизни намойиш этишга имкон берди"

"Сўғдиёна" яхши жамоа, бу жамоа ҳали кўп жамоалардан очколар олиб қўя олади", - деб гап бошлади Абрамов.

Легионерлар маҳаллий футболчилардан устун бўлиши керак деб ҳисоблайман. Бугун майдонга тушаётган легионер футболчилар бунга ҳақли. Шевченко ўтган ўйиндаги каби ёрқин ўйин намойиш этмади. У тажрибали футболчи.

Менинг вазифам футболчиларнинг имкониятларидан тўғри фойдаланиш. Шевченко майдонга тушаяптими демак у бизни қониқтирмоқда.

Бугун рақиб бизга ўз ўйинимизни намойиш этишга имкон берди. Шу боис голлар урдик. Ҳозирча мавсумга тўлиқ тайёрмиз деб айта олмайман. Кейинги турда "Бунёдкор" билан ўйнаймиз. Шундан сўнг катта танаффус бўлади, бу бизга фойда келтирадими ёки аксинча билмайман.

Аслида стадион ходимларига раҳмат айтиш билан ўз фикрларимни бошламоқчи эдим. Ёдимдан кўтарилибди. Эрталабдан ёққан қор туфайли бугун ўйинимизни кўрсата олмаслигимиз мумкин эди. Ходимлар майдонни футбол ўйнаш учун ажойиб ҳолатга келтириб қўйишди. Уларга жамоа номидан миннатдорчилик билдираман. Бундан ташқари мухлисларга ҳам раҳмат. Агар стадионга кўпроқ одам келаверса демак биз тўғри йўлдан кетаётганимизни кўрсатади - дейди Вадим Абрамов.