“УзДонгЖу” янги футболчиларни синовдан ўтказмоқда

Абдурашид Исмоилов бошқарувидаги жамоа ўқув машғулотларни ўз қароргоҳида олиб бормоқда. Йиғин давомида назорат учрашувларида ҳам иштирок этиб келинмоқда. Бу орқали мураббийлар кўрикдаги футболчиларни синовдан ўтказмоқда. Жамоа машғулотларида Зокиржон Нурматов (“Нефтчи”), Жаҳонгир Дадабоев (“Цементчи”), Дилмурод Мамаюсупов (“Косонсой”), Хайрулло Қодиров (“Ёзёвон-Лочинлари”) каби янги футболчилар борлигини айтиш лозим. Шунингдек мураббийлар вилоятдаги ёшларга ҳам жиддий эътибор қаратган холда, бунгача иккинчи лигада ўйнаб ўзини кўрсатишга эришган айрим иқтидорли футболчиларни ҳам кўрикка таклиф этган.  

Шунингдек таркибда йўқотишлар ҳам мавжуд. Хусусан ўтган мавсум "УзДонгЖу" шарафини ҳимоя қилган Даврон Жўрақулов ("Обод"), Музаффар Абдуллаев, Шохруҳ Эргашев, Салоҳиддин Салоҳиддинов, Бекзод Ғозиев, Ислом Каримов ("Андижон"), Алишер Тўхтасинов ("Сўғдиёна") каби футболчилар айни дамда олий лига клубларининг кўригида бўлиб турибди. "Бунёдкор" жамоасидан ижарага олинган Муҳаммадюсуф Абдумажидов эса ортга қайтиб кетган. Бундан ташқари дарвозабонлар мураббийи Ҳамидулло Зокиров ҳам вилоятнинг бош жамоаси "Андижон"га ўтгани сабабли унинг ўрнига Бекзод Турғунов таклиф этилган.