Унга жаҳон кубогини беринг. ЖЧда нега Лионель Мессига мухлислик қиламан?

Унда майдонда пиёда юриш, керакли пайтда муҳим пасларни бериш ёки тезлашиш сифатлари мавжуд.

Майли, қанчадир муддат аввал шундай бўлган. Ёш ва Леонинг жамоадошлари меҳнат қилишга мажбурламаган пайтлар бўлган. Айнан шу меҳнатсиз Месси 2013/14 мавсумни жуда ёмон ўтказди. Чемпионлар лигасидан чиқиб кетиш, Испания чемпионатида қўлдан чиқарилган ғалаба. Албатта, ҳаммасида Херардо Мартинони айблашди. Бироқ Месси керакли пайтда ўзини кўрсата олмаслиги ҳақида яна бонг ура бошлашди.

Лео бир неча ҳафтага йўқолиб қолди ва жаҳон чемпионати олдидан унинг таътилдаги суратлари тарқалиб кетди. Мухлислар бундай бақувват Мессини биринчи марта кўришаётган эди.

Леонинг жисмоний ҳолати деярли идеал даражада бўлган. Аргентиналик чемпионатдаги муваффақиятсизликдан сўнг, диетолог ёллаб, ошпазини алмаштиргани ҳақида интервью берди. У Бразилияга куч ва ғазабга тўлиб борди. Аргентина финал босқичигача чиқди. Агар 4 йил ўтиб Лео жамоага ёрдам бермаган деб ўйласангиз, эслатиб қўяман. Финалда аргентиналиклар марказий ҳимоясида Демичелис ва Гарай ўйнашди, ўйинни кучайтириш учун эса захирадан 32 ёшли Родриго Паласио тушди. Қўшимчасига ҳаммани кечира оладиган Игуаин.

Сўнгги мавсум Месси учун ўша омадсизликни эслатмоқда. "Барса" Чемпионлар лигасини аҳмоқона тарк этганидан сўнг, улар чемпионатни куч ишлатмай якунлашди, чунки энг яқин таъқибчи билан фарқ жуда катта эди. Каталониядагиларнинг ёзишича, Лео Римдан қайтишдаёқ бор эътиборини мундиалга қаратган. У учун 11 апрелдан фақат жаҳон чемпионати бор эди.

Бу гапларни Месси ўзининг интервьюларидан бирида тасдиқлади. Ундан "Барса" совринини миллий жамоаникига алмаштириш ҳақида сўрашганида, футболчи ижобий жавоб берди. "Барселона"нинг баъзи мухлислари бу гаплардан шокка тушиб қолди. Аммо Каталонияда бунга жиддий эътибор қаратилмади. Клубда соврин ютиш бўйича Месси жаҳон футболи етакчиларидан бири. Терма жамоада эса у бир нечта финалларда мағлуб бўлган. У ютқазишни ёмон кўради.

Аргентина терма жамоаси ўрнига Россияга қандайдир футбол трансформерининг аҳмоқона тури йўл олмоқда. 2-3-2-3 схемасидаги маҳлуқ. Хорхе Сампаоли футболни жуда яхши тушунади, бироқ ҳар сафар у ҳаммасини қийинлаштириб юборади.

Месси жаҳон чемпионатисиз қолиши мумкин эди. Бироқ муҳим паллада Эквадорни таслим этди а жамоани Россия томон эргаштирди. Бу жамоага мухлислик қилиш ниятим йўқ. Айниқса ҳар ўйинда схема ўзгартирадиганига. Бу турдаги иккинчи жамоага ишқибозлик қила олмайман (биринчиси Россия).

Лионель Мессига жаҳон кубоги керак. Бу ғалабада унинг роли ҳақида нима дейишларининг фарқи йўқ. Футбол тарихидаги энг муҳим ўйинчилардан бири терма жамоаси билан бирорта соврин қўлга киритиши керак. Мессида бошқа вариант йўқ.

Қанчонлардир Роналдиньо "Челси" дарвозасига битта гол уриб, футбол чиройли ва бироз ақлдан оздирадиган бўлиши кераклигини тушунтириш қўйган. Фаолияти давомида эса меҳнат қилмасанг ҳаммасидан айрилиш мумкинлигини ҳам кўрсатди. Месси ўз устида ишлай оладиган йигит. Россия унга жаҳон кубогини совға қил.

Манба: Championat.com