Уммон терма жамоасини Бранко Иванкович бошқаради. У янги жамоаси билан катта мақсадларга эришмоқчи
30 янв 2020 15:09
Янгиликлар

Уммон терма жамоасини Бранко Иванкович бошқаради. У янги жамоаси билан катта мақсадларга эришмоқчи

Ўтган йил бўлиб ўтган Кўрфаз Кубогидан сўнг Уммон термаси бош мураббийи ишдан бўшатилганди.

Ўшанда жамоани нидерландиялик Эрвин Куман бошқарарди. Яқинда Уммон терма жамоасига янги бош мураббий тайинланди. Уммонликларни ЖЧ-2022 саралаш босқичининг кейинги учрашувларида Бранко Иванкович бошқаради.

Маълумки, Иванкович "Персеполис" клуби билан эришган муваффақиятлари орқали ном қозонган. Хорватиялик мураббий дастлабки матбуот анжуманида қуйидаги фикрларни билдирди:

- "Бизда ниятлар кўп, лекин энг асосийси жаҳон чемпионатига чиқиш. Шунингдек, 2023 йилги Осиё Кубогига ҳам боришни мақсад қилганмиз. Биз қисқа ва узоқ муддатли режалар тузамиз. Ўйлайманки, тез орада Уммон Осиёнинг энг кучли жамоаларидан бирига айланади".

Айни пайтда Уммон терма жамоасми ЖЧ-2022 саралашининг "E" гуруҳида иккинчи ўринни эгаллаб турибди. Бу жамоа янги мураббий қўл остида илк расмий ўйинини 31 март куни Афғонистонга қарши ўтказади. Унгача эса 14 февралда уммонликлар Мьянма билан ўртоқлик учрашувида майдлонга тушишади.

Ҳавола :

Манба : the-afc.com

Янгиликларни Телеграмда ўқинг!

Рейтинг: +3