Умарали Раҳмоналиев: "Бутун Ўзбекистон халқидан минг бор узр сўрайман"

Сўнгги дақиқалардаги пенальтини голга айлантира олмаган Умарали Раҳмоналиев финалдан кейинги фикрлари билан ўртоқлашди ва ўзбек халқидан узр сўради.

"Биринчи кундан бошлаб чемпионликни мақсад қилиб, майдонга тушгандик. Бугун ҳам ғалаба қозониб, чемпионликни қўлга киритиб, ортга қайтмоқчи эдик. Афсуски, Аллоҳнинг қудрати билан бизга бу насиб қилмади. Бутун Ўзбекистон халқидан минг бор узр сўрайман. Фақатгина чемпион бўлишни хоҳлагандик. Бошқа ҳеч нарса. Биз билан бирга эканингизни ҳис қилиб турганимиз учун сизларга раҳмат. Худо хоҳласа, олдимиздаги Олимпия ўйинларида бу аламли мағлубиятни ювишга, ўзимиз кўзлаган энг яхши натижани қайд этиб, сизларни яна хурсанд қилишга ҳаракат қиламиз", -дейди Умарали Раҳмоналиев.

Япония (до23)

Молодежный чемпионат. (до 23). Плей-офф . Final-тур 03/05/2024, 21:30 0 : 1 Тугади

Узбекистан (до23)

45'

90'

Матч-центрда очиш