U-19 Осиё чемпионати. Жанубий Корея гуруҳда қолиб кетди
19 окт 2016 23:34
Янгиликлар

U-19 Осиё чемпионати. Жанубий Корея гуруҳда қолиб кетди

Ёшлар ўртасидаги Осиё чемпионати "A" гуруҳида 3-тур ўйинлари бўлиб ўтди.

Эътиборли томони дастлабки икки турда ғалабага эришган Жанубий Корея терма жамоаси гуруҳда қолиб кетди. Сабаби бугун корейслар Саудия Арабистонига 1:2 ҳисобида мағлуб бўлишди. Иккинчи баҳсда эса Баҳрайн Таиландни 3:2 ҳисобида енгди. Натижада учта жамоада 6тадан очко бўлди. Бундай ҳолатда мана шу уч жамоа ўртасидаги натижалар ҳисобланди. Учала жамоа ҳисобида ўзаро баҳсларда 3 очкодан бўлди. Тўплар нисбати Саудия Арабистони ва Баҳрайнда 4:4, Жанубий Кореяда 3:3ни кўрсатди. Ўзаро ўйинларда кўпроқ гол уришгани учун икки араб жамоаси чорак финалга йўл олди. Кейинги йилги U-20 Жаҳон чемпионатида мезбони Жанубий Корея эса Осиё чемпионатини гуруҳ босқичидаёқ якунлади. Энди қитъа чемпионатининг ярим финалига чиққан тўрт жамоа ва Корея мундиалга чиқишади.

"A" гуруҳи

Жанубий Корея - Саудия Арабистони 1:2

Баҳрайн - Таиланд 3:2

№	Жамоалар	Ў	Ю	Д	М	Т-Н	О
1	Баҳрайн	3	2	0	1	7:6	6
2	Саудия Арабистони	3	2	0	1	8:4	6
3	Жанубий Корея	3	2	0	1	6:4	6
4	Таиланд	3	0	0	3	3:10	0