Тухель кубок финалидаги мағлубият ҳақида нималар деди?

“Лига кубоги финалида бўлгани каби ҳозир ҳам афсусланмайман. Жамоам билан фахрланаман.

Дунёнинг энг хавфли жамоасига қарши финалда умумий 240 дақиқа ўтказдик. Бу сафарги ҳисоб эса 0:0. Қўлимиздан келганини қилдик. Пенальтилар сериясида мағлуб бўлсак ҳам, фахрланамиз.

Улар билан тафовутни камайтириш учун ўйинни энг юқори темпда ўтказа олишимизни бир неча бор кўрсатдик. Барча натижалар муносиб бўлди, гарчи улар бошқа кўринишда бўлиши ҳам мумкин эди.

Фарқи шундаки, улар доимо шундай ўйнай олишади. Бугун бизда кўп ўйинчилар йўқ эди. Канте битта машғулотда қатнашди, Ковачич эса жароҳат билан ўйнади… “Ливерпул”да эса катта таркиб бор. Фарқ мана шундан чиқди”, дейди Томас Тухель.