Туркиядаги учрашув вақтида дарвозабоннинг бошига сув тўла идиш отишди (видео)
10 сен 2017 13:52
Янгиликлар

Туркиядаги учрашув вақтида дарвозабоннинг бошига сув тўла идиш отишди (видео)

"Фенербахче" ҳамда "Истанбул Башакшехир" клублари ўртасидаги Туркия чемпионатининг 4-тур учрашувида ёқимсиз воқеа юз берди.

"Фенербахче" мухлислари ичида суви бўлган идишни майдонга улоқтиришди ва идиш "Истанбул Башакшехир" посбони Волкан Бабажаннинг бошига тегди. Дарвозабон жиддий жароҳат олмади ва ўйинни давом эттирди. Тахминларга кўра, "Фенербахче" ўз уйидаги кейинги бир неча учрашувларни мухлисларсиз ўтказади.

Ўйин "Фенербахче"нинг 2:3 ҳисобидаги мағлубият билан якунланди.

Эслатиб ўтамиз, Бабажан фаолиятини "Фенербахче"да бошлаган ва Истанбул клуби сафида 20 та учрашув ўтказган.

TAS-IX эмас