"Тракторсози" "Насаф"га қарши ўйиндан олдин ғалаба қозонди

Португалиялик мураббий Антонио Оливейра бошчилигидаги "Тракторсози" ўз майдонида "Сайпа" клубини қабул қилди.

Учрашувдаги ҳисобни меҳмонлар вакили Муҳаммад Незҳати очди. Майдон эгалари 81-дақиқада Муҳсин Делир томонидан урилган гол билан ҳисобни тенглаштиришди. 90+2-дақиқада эса автогол эвазига ғалаба қозонишди.

"Тракторсози" ушбу ғалабадан сўнг 50 очко билан Эрон чемпионатида пешқадам бўлиб олди.

"Тракторсози" - "Сайпа" 2:1
Голлар: М.Делир 81, Ҳамид Шири 90+2 автогол - М.Незҳати 11.
"Тракторсози": Хамид Лак, Селио, Мирҳани Ҳашеми, Муҳаммад Иранпуриан, Хабиб Гордани, Андраник Теймуриан, Меҳди Киани, Амир Амиркамдар (Меҳрдод Байрами, 60), Шахин Сагхеби (Муҳсин Делир, 80), Эдиньо, Фарид Карими (Саман Нариман Жаҳон, 60).
Четлатиш: Хабиб Гордани 90+3.

Эслатиб ўтамиз, "Тракторсози" - "Насаф" учрашуви 21 апрель куни Тошкент вақти билан соат 18:30да бошланади.