Тўхтахўжаев 10 минг доллар жарима тўлайди

Унда 39 та вазиятга нисбатан чора кўрилди. Жазо олганлар орасида Ислом Тўхтахўжаев ҳам бор.

Ўзбекистон миллий терма жамоаси ҳамда Тошкентнинг “Локомотив” клуби ҳимоячиси шу йилнинг 26 сентябрь куни Жанубий Кореянинг Инчеон шаҳрида ўтказилган 17-Осиё ўйинлари доирасидаги Саудия Арабистонига қарши ўтказилган учрашувдан сўнг бош ҳакамни ҳақорат қилган.

Тартиб-интизом қўмитасининг 57-моддасига биноан Ислом Тўхтахўжаев айбдор деб топилди ва унга терма жамоа миқёсида 4 та ўйинлик дисквалификация жазоси тайинланди. Шунингдек, ҳимоячи Кодекснинг 15.3- моддасига кўра, 10 минг АҚШ доллари миқдорида жарима ҳам тўлайди.

Ушбу сумма жазо эълон қилинган кун (29 ноябрь)дан эътиборан бир ой ичида ОФК Тартиб-интизом қўмитаси ҳисоб-рақамига ўтказилиши шарт. Агар бу каби ҳолат қайта такрорланса, жазо даражаси янада кескинлаштирилади.