"Тоттенхэм" Эдвардсни жамоага қайтармоқчи

Бу ҳақда "The Sun" хабар бермоқда.

Португалиянинг "Correio de Manha" нашри хабарига кўра, 24 ёшли футболчининг шартномасида товон пули 52 миллион фунтни ташкил қилади. "Шпорлар" 35 фоиз ҳуқуқга эга, улар Эдвардс хизматлари учун 34 миллион фунт тўлашлари керак.

Эдвардс "Тоттенхэм" академиясидан чиққан ва бир марта асосий таркибда ўйнаган. 2019 йилда ярим ҳимоячи "Витория"га кўчиб ўтди ва 2023 йилнинг январида "Спортинг" футболчисига айланди.

Эдвардс Лиссабон клуби сафида 80 та ўйинда майдонга тушиб, 18 та гол ва 20 та голли узатмага муаллифлик қилди.