Томошабинлар ташрифи бўйича рекорд ўрнатилган ўйиндан мухлислар галереяси
06 сен 2019 02:45
Янгиликлар
![](https://championat.asia/upload/storage/516776_original.jpg)
![](/upload/storage/516776_220.jpg)
Томошабинлар ташрифи бўйича рекорд ўрнатилган ўйиндан мухлислар галереяси
Усмон Тошев бошчилигидаги Тожикистон терма жамоаси Жаҳон чемпионати Қатар-2022 саралаш босқичининг 2-раундини Қирғизистонга қарши ўйин орқали бошлади. Қизиқарли ва муросасиз ўтган беллашувнинг дастлабки бўлимида ҳисобни очган мезбонлар ўйин сўнггига қадар ушбу натижани сақлаб қолиб, ғалабани тантана қилишди.
Таджикистан Алишер Джалилов - 41' |
Чемпионат Мира. Квалификация. Азия. 2-ой раунд. Группа F . 1-тур 05/09/2019, 19:00 0
:
1
Тугади
|
Киргизия |
Стадион: 17800 томошабин
Учрашувдаги ягона ҳал этувчи голга Тожикистон терма жамоаси сафида шу куни дебют қилган Алишер Жалилов муаллифлик қилди.
Қайд этиш керакки, мазкур баҳсда жуда кўп йиллардан буён кузатилмаган ажойиб ҳолат руй берди. Кўп йиллардан бери Тожикистон ўйинларида мухлислар стадионни тўлдирмай қўйишганди. Эътиборлиси, Усмон Тошев ўзининг Душанбедаги илк расмий беллашувидаёқ кутилганидан ҳам кўпроқ томошабин (18740) йиғишга муваффақ бўлди. Буни ўйиндан кейинги матбуот анжуманида маҳаллий журналистлар ҳам эътироф этишди.
Қуйида сайтимиз фотомухбири Жаҳонгир Файзуллаев ўз объективида муҳрлаган мухлислар фотогалереясини томоша қилишингиз мумкин.
Шу тариқа Тожикистон терма жамоаси Жаҳон чемпионати саралаш босқичининг 2-раундини Марказий Осиё дербиси мақомидаги ўйинда қўлга киритилган муҳим ғалаба билан бошлади. Эндиликда жамоа 2-турда Монголия меҳмонига айланади.
Эслатиб ўтамиз, Тожикистон ўрин олган "F" гуруҳида Қирғизистондан ташқари Монголия, Мяньма ҳамда фаворит Япония жойлашган. Дастлабки турда Монголия Мяньма устидан ғалаба қозонган бўлса, Тожикистон Қирғизистонни таслим этди. Япония эса бу турда дам олди. Келаси турда эса ҳозирча гуруҳ фаворитлари бўлиб турган Монголия ва Тожикистон ўзаро тўқнашишади. Япония эса илк ўйинни бой берган Мяньма билан Қатар-2022 йўлидаги юришини бошлайди. Қирғизистон эса бу гал дам олади.
Ўхшаш янгиликлар
![AMP Logo](https://championat.asia/image/logo-amp.png)
Фикрлар