Томас Мюллер: "Биз тезда тўпни ўз назоратимиз остига олишимиз зарур"

"Арсенал"га қарши қийин ўйин кутиб турибди. Биринчи ўйиндаги натижа бизни ҳаволантириб юбормаслиги лозим. Ўтган йилги ўйин барчамизга сабоқ бўлди. Ўйлайманки, бошқа бундай хатоларга йўл қўймаймиз. Яъни биз ўз уйимизда "Арсенал"га (0:2) ҳисобида мағлубиятга учрашга ҳаққимиз йўқ. Учрашув бошидан тезда тўпни ўз назоратимиз остига олишимиз зарур. "Арсенал" кучли жамоа. Уларга тўпни бериб қўйиш бизни ишимизни қийинлаштириб юбориши мумкин. Учрашувда ҳар бир қарич майдон учун кескин курашиб, бор кучимиз билан ҳаракатланишимиз лозим. "Бавария"ни фақатгина ғалаба қаноатлантиради. Чиройли ютуқ орқали кейинги босқичга йўл олиш ушбу ўйиндаги асосий мақсадимиз.