Тожикистон терма жамоаси сардори: "Биз бу ерга фақатгина иштирок учун эмас, ғалаба қозониш учун келганмиз"
17 сен 20:39
Янгиликлар

Тожикистон терма жамоаси сардори: "Биз бу ерга фақатгина иштирок учун эмас, ғалаба қозониш учун келганмиз"

Теглар : Тожикистон футзал терма жамоаси Дилшод Саломов

Тожикистон футзал терма жамоаси сардори Дилшод Саломов 1-турдан ўрин олган Тожикистон - Марокаш (2:4) учрашувидан сўнг ўйин ҳақидаги фикрлари билан бўлишди.

- Марокашга қарши кечган дастлабки учрашув ҳақида фикр билдириб ўтсангиз?

- Ўйин ҳақида гапирадиган бўлсам, йигитлар бугун 100% иштиёқ билан ҳаракат қилишди ва шу сабабли уларга миннатдорчилик билдираман. Дебют учрашувни ўтказиб олдик. Иккинчи тур учрашувида бундан ҳам яхшироқ ўйин намойиш этамиз.

- Бугун Тожикистон терма жамоаси жуда яхши ўйин намойиш этди ва мағлубиятга лойиқ эмас эди, назаримда. Шунингдек, жамоа яратган жуда кўп вазиятлардан фойдалана олмади. Реализация яхши бўлмаганинг сабаби нима? Бугун жамоангиз ижобий натижа қайд этиши учун нима етишмади?

- Жаҳон даражасидаги ўйинларда бундай ҳолатлар учраб туради. Бу бизнинг дастлабки учрашувимиз эди.

- Кейинги рақиблар Португалия ва Панама терма жамоалари ҳақида фикр билдириб ўтсангиз...

- Биз бу ерга фақат иштирок учун эмас, ғалаба қозониш учун келганмиз. Кейинги икки учрашувда очколар тўплай олишимизга ишонаман.

Абдулвосит Бектемиров суҳбатлашди