Тожикистон футзал терма жамоаси бош мураббийи: "Бугун кучлироқ жамоа ғалаба қозонди"
20 июл 02:35
Янгиликлар

Тожикистон футзал терма жамоаси бош мураббийи: "Бугун кучлироқ жамоа ғалаба қозонди"

Футзал бўйича Тожикистон миллий терма жамоаси бош мураббийи Пайрав Воҳидов матбуот анжуманида иштирок этди.

- Ўйин ҳақида

- Ўзбекистон терма жамоасини бугунги учрашувдаги ғалаба билан табриклайман. Вазиятларга бой учрашув гувоҳига айландик. Икки терма жамоа ҳам етарлича имкониятларга эга бўлди. Бугун кучлироқ жамоага ғалаба қозонди.

- Тожикистон терма жамоаси ўз тарихида биринчи маротаба Жаҳон чемпионати йўлланмасини қўлга киритди. Тожикистон терма жамоасининг гуруҳдаги рақиблари ҳақида фикр билдириб ўтсангиз? Тожикистон терма жамоаси Мундиалда ўз олдига қандай вазифа қўйган?

- Жаҳон чемпионатига тайёргарликнинг биринчи босқичини бошлаб олдик. Бугунги учрашув Осиё чемпионатидан кейинги дастлабки расмий учрашувимиз бўлди. Гуруҳимизда яхши рақиблар йиғилди. Европа чемпиони, Африка чемпиони ва Шимолий Америка чемпиони. Мақсадимиз ҳар бир учрашувда ғалаба қозониш. Ватанимиз шаънини ҳимоя қилиш учун боримизни берамиз.