Тите 2022 йилга қадар Бразилияни бошқаради
26 июл 2018 08:50
Янгиликлар

Тите 2022 йилга қадар Бразилияни бошқаради

Бразилия футбол конфедерацияси терма жамоа бош мураббийи Тите билан шартномани узайтирди.

Бу ҳақда Конфедерация расмий сайти хабар бермоқда.

ЖЧ-2018 чорак финалида Белгияга (1:2) мағлуб бўлган бўлишига қарамай 57 ёшли мутахассисга яна тўрт йиллик шартнома таклиф этилди.У 2022 йил Қатарда ўтадиган ЖЧ якунига қадар терма жамоа рулида бўлади.

Эътиборли томони у Бразилия термаси тарихида илк марта жамоани чемпионга айлантира олмаган бўлсада, истеъфога чиқарилмаган илк мутахассисга айланди.

ЖЧ 2018 чорак финалида Белгияга қарши баҳсда пентакампеонлар ўз дарвозаларидан иккита гол ўтказиб юборишди. Бу Тите қўл остида терма жамоанинг илк бор бир ўйинда иккита гол ўтказиши бўлди. Умуман олганда Тите билан терма жамоа 26 та учрашув ўтказиб, уларнинг 20 тасида ғалабага эришди (4 дуранг, 2 мағлубият).

Ҳавола :

Манба : Бразилия футбол конфедерацияси

Янгиликларни Телеграмда ўқинг!

Рейтинг: +1