Тьерри Анри Португалия ёки Бельгияни бошқариш имкониятларини рад этмайди

Бельгия терма жамоаси бош мураббийи ёрдамчиси Тьерри Анри Бельгия терма жамоасидаги келажаги ҳақида гапирди. Шунингдек, терма собиқ бош мураббийи Роберто Мартинес билан Португалияда ҳамкорлик қилиш имкониятлари ҳақида фикр билдирди. 

"Келажагим ҳақида сўрашганда камтарликни сақлашим керак. Ҳозир Бельгия терма жамоасида бош мураббий ёрдамчиси бўлиб ишлайман. Келажак ҳақида гапирадиган бўлсак, уни қандай бўлишини ким ҳам биларди. Балки бир кун келиб менга қизиқарли таклиф келиб тушар...

Португалияда Роберто Мартинес билан бирга ишлаш?  Агар мен у билан яна бирга ишлаш имконига эга бўлсам, бу масалани, албатта, кўриб чиқаман. Бунга тўғридан тўғри жавоб бериш керак бўлса, ҳа, мен буни хоҳлайман", – деди Тьерри Анри.

Анри бош мураббий сифатида Канаданинг "Монреаль" ва "Монако" жамоаларида ишлаган.