UZ

Сўнгги янгиликлар

00:53"Реал"нинг Хёйсенни четлатилиши бўйича берган апелляцияси рад этилди  0 00:30ОЧЛ-2. "Аркадағ" - "Андижон" 0:0  2 00:05ЕЧЛ. "Бавария" - "Челси" (онлайн ҳисоб)  11 00:05ЕЧЛ. "Ливерпуль" ўз уйида "Атлетико"ни қабул қилмоқда (онлайн ҳисоб)  12 23:54ОЧЛ 2. Эроннинг "Истиқлол" клуби "Ал Васл"га ўта йирик ҳисобда мағлуб бўлди. Ўзбек футболчилари қайдномада йўқ эди  1 22:53ОЧЛ 2. "Андижон"нинг гуруҳидаги иккинчи ўйинда ҳам дуранг қайд этилди  21 22:32Тақиқланган модда Мудрикнинг қонига терма жамоа йиғини пайт тушгани маълум бўлди  0 22:02Анри "Арсенал" ҳақида: "Уларда деярли иккита жамоа мавжуд. Бу йил албатта бирор нарса ютиш шарт"  3 21:10Хейсен «Сосьедад»га қарши ўйиндаги ўз четлатишини ВАР бекор қилиши керак эди деб ҳисоблайди  6 20:38ОЧЛ-2. "Андижон" меҳмонда "Аркадағ" билан дуранг ўйнади  123 19:36Гвардиола «Ман Сити»ни ЧЛда ғолибликка даъвогар деб ҳисобламайди: «Аниқ йўқ. Фақат лаҳзалардан роҳатланиб, бу ерда бўлганимиздан хурсандмиз»  6 18:31Собиқ ҳакам Буррул «Реал»нинг иккинчи пенальтиси ҳақида: «Нотўғри белгиланган. Ўйинчи йиқилди, қўл ҳаракати табиий»  35 17:29"Қизилқум" майдондан чиқишни хоҳламаган футболчи билан шартномани бекор қилди  14 17:15Қайси клуб ҳозирги таркиби учун энг кўп пул сарфлаган?  9 16:50Пролига 15-турида ишловчи расмийлар  0

Тимур Кападзе: "Бугун мағлубиятга лойиқ эмасдик" Янгиликлар

Тимур Кападзе: "Бугун мағлубиятга лойиқ эмасдик"

"Сурхон" - "Олимпик" учрашувидан сўнг (1:0) меҳмонлар устози Тимур Кападзе ўз фикрларини билдириб ўтди.

"Сурхон"ни ғалаба билан табриклайман, осон ўйин бўлмаслигини билардик. 

Ўйин давомида вазиятларимиз ҳам бўлди ва афсуски гол ура олмадик. Пенальтидан гол ўтказиб юбордик. 

Баҳсда назорат бир томонда бўлди, "Сурхон" эса қарши ҳужум эвазига биз томон йўл топмоқчи бўлди. 

Биз камида дурангга лойиқ эдик. Камчиликлар устида ишлаймиз. Бундан ҳам яхшироқ ўйнасак бўларди.

- "Олимпик"да аниқ зарбалар сони кам бўлди. Ўйинни назорат қилиш билан иш битмайди. Аммо ишни охиригача етказа олмади. Бу нима билан боғлиқ?

- "Сурхон" жуда зич ҳимояланди. Асосан Нимели олдинда қолди ва у ҳам керак пайтда ортга қайтди. Биринчи бўлимда ҳам, иккинчи бўлимда ҳам асосан қанотлар орқали имконият изладик. Хавфли вазиятлар яратдик. "Сурхон" яхши ҳимояланди ва бизга имкон бермади. Рухий томонлама? Билмадим. Менимча рухан яхши тайёрлангандик. Мен истаган футболчилар ўзини кўрсата олмади. Камчиликлар балки бордир, аммо мен доим керакли тавсияларни бераман. Бизда катта хатолар бўлмади, ривожланиш давридамиз. 

"Сурхон" Нимели орқали имконият излади. Буни олдиндан билгандик ва шунга тайёрлангандик. Мағлубиятга ҳақли эмасдик. "Сурхон"га нисбатан биз кўпроқ ҳужум қилдик. 

-"Олимпик" келаси мавсумда ёпилиши ҳақида хабарлар тарқалди. Бунга қандай изоҳ бера оласиз?

- Бу фейк хабарлар. Билмайман, қаердан пайдо бўлди. Ҳозир одатдагидек ишни давом эттирмоқдамиз. Мавсум охиригача ўйнаймиз ва кейинги мавсумга тайёргарликни бошлаймиз. Бу ҳақида ўйлаб кўрганимиз йўқ. Бундай гап қаердан чиққанини билмайман. Лекин, жамоа бўлади.

- Олимпиадага чиқадиган бўлсак, йиғинлар кўпаяди. Бу нарса жамоага қийинчиликлар туғдирмайдими? Жамоадан кетиши мумкин бўлган футболчилар ўрнига бошқа вариантлар кўрилмоқдами?

-Кейинги йил камида ярим мавсум футболчилар шу ерда ўйнагани яхши. Хориждан футболчимизга қизиқаётганлар ҳам олдимизда қандай мусобақалар турганини билади ва буни ҳисобга олади. 

-Сиз ёшлар футболи масаласида Ўзбекистонда иқтидорли мураббийлардан бири ҳисобланасиз. Ҳам Олимпия терма жамоаси, ҳам "Олимпик" мураббийи сифатида ўзингизга қандай баҳо бера оласиз?

-Ҳар куни ишладик, ривожланишга ҳаракат қилдик. Биласиз, бизда тажрибали эмас, ёш футболчилар бор. Биз ривожланиш давридамиз ва улар жамоамизда анча ўсди деб ўйлайман. Ҳам "Олимпик" ва ОТЖ борлиги бироз қийинчилик туғдирди, лекин иш яхши кетмоқда. Бундан мен ҳам, футболчилар ҳам хурсандмиз. Бу йигитлар бизнинг келажагимиз. Уларни қанчалик кучайтириб, ривожлантирсак, футболимиз бундан ютади.

Рейтинг: -11   

Фикрлар

championat.asia
< сўнгги янгиликларни кўриш
Яндекс.Метрика