UZ

Сўнгги янгиликлар

13:55"Бунёдкор" "Қўқон-1912" билан муроса кўчасини танлаган баҳсдан ГАЛЕРЕЯ  0 13:25Бир ўйин тарихи. 2006 йилга қайтамиз. "Ал Ҳилол"нинг Қаршига биринчи ташрифи қандай якун топган?   2 13:24Амир Тўрақулов: "Ишонч, умид, муҳаббат" ибораси жамоамиз шиорига айланган"  0 12:55"Реал" афсонавий дарвозабон вафот этганини эълон қилди  0 12:28"Манчестер Сити" етакчиларидан бири Саудия Арабистонига йўл олиши мумкин  1 12:00Футзал бўйича Олий лига. БМБ 10 та гол урди, ОКМК ва "Локомотив"да ишончли ғалаба  0 11:25"Қайрат" ва "Реал" ўртасидаги тарихий тўқнашувнинг бош ҳаками маълум  7 10:43Италия терма жамоаси собиқ устози "Ал Иттиҳод" бош мураббийи бўлиши мумкин  0 10:15"Реал" сардори бир ойга сафдан чиқди  6 09:41"Манчестер Сити" етакчиси EЧЛнинг 2-турида тушмаслиги мумкин  5 09:08ОЧЛ 2. "Андижон" - "Ал Аҳли" учрашуви чипталарининг нархи маълум  4 08:40Sofascore. Шомуродов шериклари орасида энг яхшиси  2 08:13Суперлига. Бугун яна иккита учрашув бўлиб ўтади  3 07:44Элит ОЧЛ. "Насаф" "Ал Ҳилол"ни меҳмон қилади  16 05:55Суперлига. "Қўқон-1912" – "Бунёдкор" 2:2   0

Telegram bot: "Энг кутилмаган натижа қайси ўйинда қайд этилди?" Янгиликлар

Telegram bot: "Энг кутилмаган натижа қайси ўйинда қайд этилди?"

Теглар :  Сўровнома
Бугун кундузи соат 10:50да Телеграм каналимизга сўровнома қўйгандик.

Кеча ўтказилган учрашувлар орасида "Энг кутилмаган натижа қайси ўйинда қайд этилди?" саволига вариант тариқасида қуйидаги баҳсларни келтириб ўтдик. Овоз бериш жараёни ҳамон давом этмоқда, лекин биз жами овозлар сони 5600тага етганидан сўнг шу асосда қайси ўйин қанча овоз олганини келтириб ўтмоқчимиз. 


75% "Тоттенхэм" - "Бавария" 2:7 (4183 овоз) 

10% "Ал Садд" - "Ал Ҳилол" 1:4 (547 овоз) 

6% "Қўқон-1912" - "Металлург" 2:3 (355 овоз) 

6% "Бунёдкор" - "Бухоро" 1:1 (335 овоз) 

3% "Қизилқум" - "Локомотив" 1:1 (180 овоз) 


Демак, кўп сонли мухлисларнинг фикрига кўра, ЕЧЛ доирасидаги "Тоттенхэм" - "Бавария" баҳси 75% билан энг кутилмаган натижа қайд этилган баҳс деб топилди. Сўровномада иштирок этган 5600 мухлисдан 4183 нафари айнан мана шу ўйинга овоз берган. 

Кеча тунда Лондонда чиндан ҳам ҳақиқий "триллер" кузатилди. Тўғри, "Бавария" кучли, лекин ҳеч ким "Тоттенхэм" ўз дарвозасидан 7та гол ўтказиб юборишини кутмаганди. Бундан ташқари Серж Гнабри рақиб дарвозасига тўртта гол уришнинг уддасидан чиқди. 

Овоз бериш бўйича иккинчи ўринни ОЧЛ ярим финалидан ўрин олган "Ал Садд" - "Ал Ҳилол" баҳси эгаллади. 547 мухлис шу ўйин натижасини энг кутилмаган деб топган. "Ал Садд" ўз майдонида қанчалик кучли эканини биламиз, лекин бу жамоанинг ўз майдонида ўта муҳим беллашувда 1:4 ҳисобида ютқазиб қўйишини ҳеч ким кутмаганди. Абдулкарим Ҳассан қизил карточка олгач, ҳаммаси ўзгариб кетди ва устунлик тўлиқ "Ал Ҳилол" томонга ўтди. 

Охирги бешта ўйиннинг 4тасини ғалаба билан якунлаган "Қўқон-1912" "Металлург" билан баҳсга келганда 2:3 ҳисобида ютқазиб қўйди. Албатта, бу ҳам кутилмаган натижалардан бири бўлди. Бу ўйинда мезбонлар сардори Мурод Холмуҳамедовнинг четлатилиши панд берди. Агар "Қўқон-1912" бир киши кам бўлиб қолмаганида камида дуранг ўйнаши мумкин эди. Ушбу учрашув 355 овоз тўплади. 

Суперлига 21-тур доирасида "Бунёдкор" ўз майдонида "Бухоро"ни қабул қилиб 1:1 ҳисобини қайд этди. Аввалги турда "Насаф"ни мағлуб этган "Бухоро" Тошкентда "Бунёдкор"дан ҳам очко олишни уддалади. Биласиз, бухороликлар ҳозирда элитада жон сақлаб қолиш учун кураш олиб боришмоқда. Бунинг учун жамоа ҳар бир ўйинда бор кучи билан ҳаракат қиляпти. Иштирокчилардан 335 киши шу ўйинга овоз берган. 

Ва ниҳоят, Навоийда кечган "Қизилқум" - "Локомотив" қарама-қаршилиги 180 овоз билан охирги ўринни эгаллади. Ўзбекистоннинг 2018 йилдаги чемпионини айниқса иккинчи даврада таниб бўлмаяпти. "Локомотив" охирги тўрт учрашувни дуранг билан якунлади ва ҳаммасида 1:1 ҳисоби қайд этилди.


Рейтинг: +8   

Фикрлар

championat.asia
< сўнгги янгиликларни кўриш
Яндекс.Метрика