Тақдири бир ҳафта ичида ҳал бўладиган футболчилар (мутолаа учун)

Қуйида белгиланган охирги сана – 1 сентабрга қадар асосий сарлавҳаларга айланиши мумкин бўлган футболчиларни келтирилди:

Криштиану Роналду, ҳужумчи, “Манчестер Юнайтед”
Душанба куни “Ливерпуль” устидан қозонилган ажойиб ғалаба қайд этилган ўйин учун асосий таркибдан тушиб қолган Роналдунинг тақдири у ёки бу тарзда аниқлик киритилмагунича баҳс мавзуси бўлиб қолаверади. 37 ёшли футболчи Чемпионлар Лигасида ўйнаш учун МЮни тарк этмоқчи, бироқ унинг танловлари ва вақт тугаб бормоқда. ESPN манбалари Роналду “Олд Траффорд”да қолишидан дарак бермоқда, бироқ унинг салбий муносабати кийиниш хонасига таъсир қилиши мумкинлиги борасидаги ҳавотирлар муддат яқинлашиб боргани сайин вазиятни ўзгартириб юбориши мумкин.

Пьер Эмерик Обамеянг, ҳужумчи, “Барселона”
Обамеянгнинг “Барса”га қўшилганига кўп бўлгани йўқ. У февраль ойида “Арсенал” билан шартномаси бекор қилинганидан сўнг янги жамоаси таркибига келганди. Энди Каталония клуби уни 25 миллион евро атрофида трансфер қилмоқчи, бу орқали клуб 55 млн еврога янги келган Жюль Кундени Ла Лиганинг маош чегараси остида рўйхатдан ўтказиш имконига эга бўлади. Бир қанча муддатдан буён қизиқиш билдириб келаётган “Челси” асосий даъвогар ҳисобланади. Хабар берилишича, Обамеянгнинг ўзи “Боруссия” Дортмунддаги собиқ устози Томас Тухель билан қайта алоқани ўрнатишни хоҳлайди, аммо футболчи 33 ёшда ва “Челси” уни сотиб олиш учун жуда кўп маблағ сарфлашдан сақланишга ҳаракат қилади.

Френки де Йонг, марказий яримҳимоячи, “Барселона”
Де Йонг бу ёзда сарлавҳаларда ҳукмронлик қилди, бироқ унинг “трансфер эртаги” ниҳояси хунук бўлди. 2020 йил октабрь ойида ярим ҳимоячининг ҳафталик маоши қисқартирилган эди, бироқ манбалар ESPNга “Барса” яна шундай қилмоқчи эканини хабар қилди(унинг амалдаги шартномасига зид тарзда).

“Барса” “Манчестер Юнайтед”нинг 85 млн евролик таклифини қабул қилди, бироқ де Йонгнинг ўзи Чемпионлар Лигасида ўйнашни истайди шунинг учун “Челси” ва “Бавария” унинг атрофида ўралашиб юрибди.

Футболчининг маоши билан боғлиқ қарздорлик қарийб 20 млн еврони ташкил этади. Шу туфайли унинг кетиши бўйича келишувнинг амалга ошиши анча мушкул. Агар “Барса” бошқа ўйинчилар ҳисобига муаммони ҳал қилиш учун юкни бироз енгиллатолса, у қолиши мумкин. Айтганча, унинг мураббий Хави билан муносабатлари яхши.

Уэсли Фофана, марказий ҳимоячи, “Лестер”
Фофана ўтган ҳафта охирида “Саутгэмптон”га қарши ўйинни машғулотларда иштирок этмагани учун ўтказиб юборди. Уни асосий таркибдан четлаштирган “тулкилар” устози Брендан Рожерснинг сўзларига кўра, 21 ёшли ҳимоячи ўйнаш учун тўғри фикрлаш ҳолатида эмас. Хабарларга кўра, “Челси” 70 млн фунтгача бўлган жами уч таклиф билан чиққан. Аммо “Лестер” футболчининг трансферидан энг камида 80 млн ишламоқчи ва қўшимчасига унинг кетишига унчалик хоҳиш билдираётгани йўқ. Шу алфозда Фофана ё шундай улкан маблағ эвазига “Челси” аъзосига айланади (бу ҳимоячи учун тўланадиган рекорд маблағга айланади) ёки камида яна 6 ой ҳозирги жамоасида қолишга мажбур бўлади.

Сержино Дест, ҳимоячи, “Барселона”
“У вазиятнинг қандай эканини билади”. Ўтган ҳафта охирида бўлиб ўтган матбуот анжуманида Хавининг сўзлари шавқатсиз эди ва улар Дестнинг “Камп Ноу”даги келажаги йўқлигини айтишди. Манбаларнинг таъкидлашича, аввалроқ “Челси” қизиқиш билдирган бўлса да, бошқа бир клубга ўтказишни хоҳлайди. “Атлетико” ва “Бавария” бу борада сусайиб қолди.

АҚШ терма жамоаси қанот ҳимоячиси учун “Манчестер Юнайтед” танлови ҳам бор, аммо вақт тугаб бормоқда, бироқ Жаҳон Чемпионати олдидан ҳимоячининг яхши ҳолатда бўлишини таъминлаш учун у “Боруссия” Дортмунд ҳимоячиси Тома Менье трансферининг бир қисми сифатида Германияга йўл олиши мумкин.

Лукас Пакета, марказий яримҳимоячи, “Лион”
 Хабарингиз бор, “Ньюкасл” “Лестер” яримҳимоячиси Жеймс Мэддисонни харид қилиш учун бир қанча таклифлар билан чиқди ва барчаси рад этилди. Шу сабабли улар эътиборларини бошқа нуқтага қаратишига тўғри келади. “Лион” плеймекери Пакета “Сент Жеймс Парк”даги бразилиялик ҳамкасблари Бруно Гимарайнш ва Жоэлинтонларга бориб қўшилишни исташи мумкин, бироқ Лига 1 вакили футболчини қўйиб юбориши учун 50 млн евролик таклиф берилиши керак бўлади.

Трансфер ойнаси бошроғида “Арсенал” ва ПСЖ у билан боғланган эди. Уларнинг қизиқишлари бошқа томонга бурилиб кетди. Маълум бўлишича, “Вест Ҳэм” футболчи учун курашга қўшилди.

Юри Тилеманс, марказий яримҳимоячи, “Лестер”
2023 йилда тугайдиган шартнома билан Тилеманс трансфер ойнаси якунланиши арафасида ўзини эътибор марказида топиши мумкин. “Лестер” 25 ёшли яримҳимоячини йўқотишни истамайди. У 2019 йилда Премьер лига келганидан бери ўзининг ажойиб ўйини билан кўрсата олди. Бироқ жамоа унинг трансферига мажбур қилиниши мумкин. Бельгиялик футболчига “Ливерпуль” ва “Арсенал” қизиқиш билдирмоқда. Унинг трансфер нархи 30 млн фунт стерлингга тушиши мумкин.

Энтони Гордон, ҳужумчи, “Эвертон”
Гордонга юқори баҳо берилди ва аввалроқ “Тоттенҳэм” ва “Ньюкасл Юнайтед” томонидан кузатиб борилган. “Челси” Англиянинг 21 ёшли вингерини қўлга киритишни ҳаммадан ҳам қўпроқ истайди. Манбаларнинг маълумотига кўра, улар аллақачон 45 млн фунт стерлинггача бўлган икки таклифни бериб бўлган. Бироқ “Эвертон” уни 50 млн фунтлик таклиф тушмагунича ушлаб турмоқчи. Аввалроқ “Тоттенҳэм”га Ричарлисонни 60 млн фунтга бериб қўйган “Эвертон”да сарфлаш учун жуда кўп пул ва уларни ишлатиш учун ниҳоятда кам вақт қолди.

Ҳаким Зиеш, ҳужумчи, “Челси”
Зиешнинг келажаги “Манчестер Юнайтед”нинг “Аякс”дан Антонини сотиб олиш учун таклиф қилиб рад этилган 80 млн евродан кўпроқ таклиф билан чиқишига боғлиқ. Агар МЮ Антонини сотиб олса, “Аякс” 2020 йилда жамоани 44 млн еврога тарк этган Зиешни қайтаришни хоҳлайди. Тўғри, 29 ёшли футболчи ҳозир бундай маблағга сотиб олинмайди, бироқ у агар “Стэмфорд Бридж”ни тарк этса, Гордон ёки бошқалар томонидан тўлдирилиши керак бўлган бўшлиқ ҳосил бўлишига сабаб бўлади.

Рафаэл Леау, ҳужумчи, “Милан”
Португалиялик форвард ўтган мавсумда Италия чемпиони бўлиш йўлида 42 ўйинда 14 та гол ва 12 та асист қайд этди. Бу орқали у ўзини Европанинг топ клублари радарига туширди. Ҳали бор йўғи 23 ёшда бўлган Леаунинг салоҳияти юқори ва шунинг учун “Реал” Мадрид ва ПСЖ уни сотиб олишга жиддий қизиқиш билдирмоқда. “Челси” 95 млн евролик таклифи билан футболчига қизиққанларнинг сўнггиси бўлди, бироқ бу жамоанинг ёзги бошқа даромадларига боғлиқ бўлиши мумкин.

ОРИГИНАЛ МАНБА

Мансурбек Неъматов тайёрлади