Таккинарди Роналду ҳақида: "У "Юве"дан жуда ноқулай вақтда кетди"

"Айтайлик, бу у қадар маъқул вақт эмасди: трансфер ойнаси ёпилишига уч кун қолганидаги хайрлашув, "Ювентус"ни қийин вазиятда қолдирди. Вазият шунчаликки, менимча "кекса синьора" январь ойидаёқ трансферларга қўл уриши зарур.

Шу вақтнинг ўзида, жамоадаги барча футболчилар етакчилик борасида ҳам ўсишлари зарур: агарда Роналду билан баъзи ўйинлардаги маълум муаммоларни "ёпиб кетиш"нинг иложи бўлган бўлса, энди у йўқ.

Жамоанинг ҳозир даражаси тушиб кетмаслиги учун ҳозир икки нарсадан бири бўлиши зарур: "ўйинчиларнинг "вазни" ошиши, ёки жамоанинг ўйинидаги тажовузкорликнинг ошиши, худди шу нарса ҳозир Пиолининг "Милан"ида бўлаётганини кўриш мумкин", – деди Таккинарди.