"Сурхон" таркибни кучайтириш ишларини бошлаб юборди. Сербия ва Украинадан легионерлар келиши кутилмоқда
09 янв 2021 11:06
Янгиликлар

"Сурхон" таркибни кучайтириш ишларини бошлаб юборди. Сербия ва Украинадан легионерлар келиши кутилмоқда

"Сурхон" жамоаси Тошкентда навбатдаги мавсумга тайёргарликни давом эттирмоқда. Илк кунги машғулотларда асосан тикланиш ва жисмоний машқларга эътибор қаратилди.

Ўтган мавсумни ҳам термизликлар таркибида ўтказган тажрибали ярим ҳимоячи Элдор Бойматов жамоанинг қишки ўқув-йиғин машғулотларига келиб қўшилди. "Шўртан" жамоасидаги ўзининг ажойиб ўйинлари ва голлари билан муҳлисларга яхши таниш бўлган сурхондарёлик ҳужумчи Жасур Холтўраев ҳам мазкур йиғинда иштирок этмоқда. Шунингдек, Яйпайнинг "Турон" жамоасига ўтганлиги ҳақида миш-мишлар тарқалган ёш ва тажрибали ҳимоячи Иброхим Йўлдошев, ҳамда маҳаллий мухлисларга яхши таниш бўлган ҳужумчи Темур Усмонов ҳам кечаги машғулотларда қатнашди. Бу ҳали ҳаммаси эмас. Клубда селекция ишлари давом этмоқда.

Яқин кунларда Сербия, Россия ва Украинадан легионерлар келиб қўшилиши кутилмоқда.