Суриялик футболчи: "Қолган икки учрашувда 6 очко қўлга киритишимиз керак"

- Ўйин ҳақида фикларингизни билдириб ўтсангиз, учрашув иккала жамоа учун ҳам қийин кечди? 

- Ўзбекистон кучли жамоа эканлигини билардик, қийин учрашув ўтказдик ва мағлуб бўлдик, бизда ҳам хавфли вазиятлар бўлди, лекин улардан фойдалана олмадик. Ўзбекистон кучли рақиб ва бугун биз гуруҳ фаворити билан тўқнаш келдик.

- Сурия терма жамоасидан қолган икки учрашувда нималарни кутсак бўлади? 

- Мақсадимиз қолган икки учрашувда ғалаба қозониш, икки учрашувда 6 очкони қўлга киритишимиз керак. Ушбу мусобақада осон рақиблар бўлмайди ва биринчи учрашувимиз бунга исбот. 

- Европада ўйнайсиз ("Герта II"), ушбу турнирдаги ўйинчилар даражаси европадаги ёшлар билан солиштирганда, қанчалик фарқ қилади? 

- Осиёда ҳам иқтидорли футболчилар талайгина, бугун бунга гувоҳ бўлдик, Ўзбекистон таркибида ҳам катта салоҳиятли ўйинчилар кўп экан. 

- Турнирдаги мақсадингиз қандай?

- Мақсадим, жамоамга фойда келтириш, кейинги босқичга чиқишимиз бу асосий мақсадимиз.

Абдулвосит Бектемиров суҳбатлашди