UZ

Сўнгги янгиликлар

15:54Про лига. "ФарДУ" – "Жайхун". Таркиблар маълум  0 15:37"Бунёдкор" "Хоразм" устидан қийин ғалабага эришган баҳсдан ГАЛЕРЕЯ  0 15:15Футзал. Эртага Ўзбекистон Тошкентда тўрт карра Осиё чемпионига қарши ўйнайди  0 15:09Машҳур мураббийнинг уйи қуролли босқинчилар томонидан талон-торож қилинди  0 14:40"Арал" ўз уйида "Олимпик"ни ишончли ҳисобда мағлуб этган ўйиндан ГАЛЕРЕЯ  0 14:20"Ливерпуль" собиқ футболчиси 4 марта пичоқланган. У бу ҳақда биринчи марта гапирди  0 14:09Кореядаги учрашув Танташевга ишониб топширилди  4 13:49Ўзбекистонлик ҳакамлар бригадаси Япониядаги баҳсда ишлайди  0 13:28"Ал Ҳилол" легионери ўзини камситилган деб ҳисоблади ва шартномани бир томонлама бекор қилди  5 13:00Энзо Мийо: "Чемпионлик унвонини ҳимоя қилиш учун катта босимга дуч келамиз"  0 12:33Ўзбекистон U-15 терма жамоаси Миллий футбол марказида йиғин ўтказади  0 12:21Шомуродовнинг собиқ клубдоши, Африка қитъасининг энг яхши футболчиси, 2021 йил дунёнинг энг яхши дарвозабони. Бугун "Насаф"га қарши кимлар ўйнайди?   21 11:55Ўзбекистон аёллар терма жамоаси 16 сентябрдан йиғинга киришади  0 11:28"Ливерпуль", "Манчестер Сити" ва "Реал" "янги Ван Дейк" учун курашади  0 10:56Суперлига. 22-турда ишловчи ҳакамлар маълум  6

Сурия U-20 бош мураббийи: "Тан олиш керак, Ўзбекистон ғалабага лойиқ эди" Янгиликлар

Сурия U-20 бош мураббийи: "Тан олиш керак, Ўзбекистон ғалабага лойиқ эди"

U-20 Осиё кубоги доирасида Ўзбекистонга қарши баҳсдан кейин Сурия U-20 термаси мураббийи Марк Вотте учрашув ҳақидаги фикрлари билан ўртоқлашди.

- Якунланган ўйин ҳақида фикрингиз?

- Тан олиш керак, Ўзбекистон ғалабага лойиқ эди. Рақиб жисмонан жуда кучли бўлган ажойиб жамоа экан. Ўзбекистон сафида 3-4 нафар фантастик даражада кучли ўйинчилар бор экан. Ўйин давомида бизда ҳам 3-4 та ажойиб вазиятлар бўлди. Бироқ фақатгина омад келмаганлиги эвазига бу вазиятдан гол ура олмадик. Жамоамга алоҳида раҳмат деб қоламан. Улар охирги 10 дақиқада жуда ажойиб футбол курсатишди. Вазиятни ўнглашга уринишди. Ўзбекистон эса курашувчанлик руҳига эга бўлган терма жамоа экан. Бугун улар кучлироқ эди. 

- Икки гол ҳам стандард вазиятлардан киритилди. Бу жиҳатдан Сурия термасида муаммо бор деб ўйлайсизми?

- Биласизми, биринчи жарима зарбаси шунчаки фантастик тарзда амалга оширилди. Мен бу борада кимнидир айблай олмайман. Дарвозабон ҳам тўпни қайтаришга уринди, аммо буни иложи бўлмади. 14-рақамли ўйинчининг зарбаси шунчаки идеал эди. Иккинчи голда эса ҳимоячи тўпни майдондан чиқариб юборишга уринди. Бу вазиятда ҳам уни айблаб бўлмайди. Шуни таъкидлаб ўтишим жоизки, Ўзбекистон сафида 4-5 нафар супер даражаги футболчилар ҳаракат қилишди. Биринчи голдаги жарима зарбаси эса мукаммал тарзда ижро қилинди. 

- Мусобақанинг очилиш ўйинида мезбон терма жамоага қарши ҳаракат қилдингиз. Шу нуқтаи назардан қаралса, кейинги икки ўйин осонроқ кечишини кутяпсизми?

- Албатта, бугунги ўйиндаги атмосфера шунчаки даҳшат бўлди. Бунинг учун барча мухлисларга миннатдорчилик билдираман. Бундай муҳитда ўйнаш биз учун жуда зўр тажриба бўлди. Шогирдларим биринчи марта тўла стадионда футбол ўйнашмоқда. Бундан улар ҳам жуда хурсанд бўлишди. Кейинги икки ўйинда эса бор кучимизни кўрсатиб, плей-офф босқичига чиқишга ҳаракат қиламиз. Бугун ҳам захирадан майдонга тушган футболчилар жуда яхши ўйин кўрсатишди. Энди эса биз Индонезияга қарши ўйинга тайёргарликни бошлаймиз.

- Мухлислар билан тўлган стадионда ўйнаш жамоангиз ўйинига салбий таъсир кўрсатди деб ўйлайсизми?

- Менимча, ўйинчиларим бундай тўла стадионда футбол ўйнашдан жуда хурсанд бўлишди. Бу жиҳат аксинча жамоамга яхши таъсир қилди. Аксарият футболчиларим ўз даражаларидаги ўйинни кўрсатишди ва яхши ҳаракат қилишди. Баъзида шунчаки омад келмайди. Яна такрорлайман, жарима зарбаси шунчаки заргарона амалга оширилди. Иккинчи гол эса хато сабаб юзага келди. Бугунги ўйинлари учун футболчиларимни айблай олмайман. Аксинча, уларга миннатдорчилик билдираман.

Рейтинг: +13   

Фикрлар

championat.asia
< сўнгги янгиликларни кўриш
Яндекс.Метрика