Сульшер нега Роналду "Эвертон" билан ўйинни захирадан бошлаганини тушунтирди

"Манчестер Юнайтед" клуби бош мураббийи Оле-Гуннар Сульшер жамоа ҳужумчиси Криштиану Роналдуни нега захирада қолдирганига тушунтириш берди.

"Биз у билан бир-биримизни жуда яхши тушунамиз. Гап Роналду бошидан ўйнаши керакми ёки йўқлигини тўғри аниқлаб олишимизда кетяпти.

У ёш бола эмас. Криштиану профессионал ва у керак бўлса захирадан ўйинга қўшилишга тайёр. Бугун у бу ишни яхши кайфиятда, ажойиб тарзда амалга оширди", -дейди Оле-Гуннар Сульшер.