Суҳроб Нуруллоев: "Рақиб ва ўйин қаерда бўлишидан қатъий назар ғалаба учун ўйнаймиз"
21 окт 2021 16:26
Янгиликлар

Суҳроб Нуруллоев: "Рақиб ва ўйин қаерда бўлишидан қатъий назар ғалаба учун ўйнаймиз"

Рўзиқул Бердиев бошчилигидаги "Насаф" жамоаси ОФК кубоги Интерзонал финалида ўз майдонида "Ли Ман"дан устун келди (3:2).

Ушбу учрашувдан сўнг "Насаф" ярим ҳимоячиси Суҳроб Нуруллоевнинг фикрлари билан қизиқдик.

- Дастлаб ўйин ҳақида таассуротларингиз билан ўртоқлашсангиз. "Насаф" биринчи бўлимнинг ўзида учрашув масаласини ҳал қилиши мумкин эди...
- Учрашувнинг илк дақиқалардан бошлаб ташаббусни қўлимизга олдик. Тўп назорати ҳам биз томонда эди, десам янглишмаган бўламан. Тезкор гол руҳий жиҳатдан биз учун яхши бўлди. Биринчи бўлимда ги устунликни ҳисобда акс эттириб, мураббийларимизнинг кўрсатмаларини бажариб яхши кайфиятда танаффусга йўл олдик.

- Аввалги босқичдаги учрашувларда жамоа тезкор голдан сўнг яна гол уришга, ҳужумкорликни оширишга эътибор қаратганди. Балки бу сафар бироз салбий таъсир қилдими? Шундай жамоалар борки тез гол ўтказиб юборса ҳам ўз ўйинини йўқотмайди...
- Йўқ, ундай ўйламайман. Олдин тезкор голдан сўнг юзага келган имкониятларимизни голга айлантира олгандик. Кеча эса бунинг акси кузатилди.

- "Насаф" финалда бошқа даражадаги жамоа билан бошқа майдонда тўқнаш келади...
- Бизнинг мақсадимиз битта - чемпионлик. Рақиб ва ўйин қаерда бўлишидан қатъий назар ғалаба учун ўйнаймиз.