UZ

Сўнгги янгиликлар

01:0140 ёшли Фабиански яна "Вест Хэм"га қайтди. Дарвозабон ўтган мавсум охирида клубни тарк этганди  0 00:41Расман: Эриксен эркин агент сифатида "Вольфсбург"га ўтди  0 23:42Рўзиқул Бердиев: "Беш кишилик ҳимояни ёриб ўтишни яхши уддаладик. Элит ОЧЛда муносиб бўлишга ҳаракат қиламиз"  4 22:56"Бавария" бир неча йил аввал 14 ёшли Ямални сотиб олмоқчи бўлган, аммо трансфер суммасини тўлашга журъат этмаган  2 22:21Виктор Карпенко: "Илк гол сабаб биринчи бўлимда тўртта ўтказдик"  6 21:44Анри Франция терма жамоаси ҳақида: "Янги мураббий ким бўлишини барчамиз биламиз"  0 21:20Нойер: "Германия таркибида бошқа ўйнамайман. Бу онгли қарор эди"  4 20:52Суперлига. "Насаф" "Бухоро"ни йирик ҳисобда мағлуб этди  56 19:23Тоуни: "Саудия лигаси мен учун АПЛ билан бир даражада"  8 18:273 ўйинда 2 очко тўплаган Симеоне: "Учинчи ўрин етарли эмас. Чемпион бўлиш вақти келди"  5 17:33“Бу оптимал таркиб эмас. Ҳакам қарорлари тўғри эди, мағлубиятни тан ола билиш ҳам керак" — Санъат Шихов Эрон билан ўйин ҳақида  42 17:18Тожикистоннинг икки терма жамоасида истеъфо юз берди  17 17:07"Ман Сити" ҳужумчиси жароҳат туфайли МЮга қарши ўйинни ўтказиб юборади  1 16:24"Интер" 2025/26 мавсум учун учинчи формани тақдим этди. У "2000-йилларда жамоани яхши кўрганлар ва бугун уни севувчиларга" бағишланган  2 15:49"Барселона" Хасбуллани "Камп Ноу"га таклиф қилди  9

"Сўғдиёна" янги мавсумга қандай тайёргарлик кўрди: Иван Бошкович рақобатбардош жамоа туза олдими? Янгиликлар

"Сўғдиёна" янги мавсумга қандай тайёргарлик кўрди: Иван Бошкович рақобатбардош жамоа туза олдими?

"Бўрилар" ўтган мавсум зерикарли ўйинлари билан эсда қолиб, 11-ўринни эгаллади.

Қуйида Иван Бошвокич жамоаси мавсум оралиғида қанчалик ўзгаргани, таркибда кимлар пайдо бўлгани-ю, кимлар кетгани ҳақида сўз юритамиз.

Таркиб ва трансферлар

"Сўғдиёна" тажрибали футболчилари ва легионерлари билан хайрлашди. Легиогерлардан босниялик ҳимоячи Тарик Исич, сербиялик ҳимоячи Марко Колакович, босниялик ҳужумчи Зенан Займович жамоадан кетишди. Маҳаллий ўйинчилардан тажрибали ярим ҳимоячилар Жасур Ҳасанов, Жавоҳир Қаҳрамонов ва Санжар Шоаҳмедов билан хайрлашишди. Шунингдек, Оллаберган Каримов ва Абдуллоҳ Омоналиев жиззахликлар сафини тарк этдилар.

Жамоага қуйидаги футболчилар келиб қўшилишди:

Муҳаммадюсуф Собиров ("Бунёдкор");

Зоран Петрович ("Петролул")

Алексей Носко (БАТЭ)

Сардор Қулматов ("Теренггану")

Ислом Қобилов ("Локомотив")

Олег Зотеев ("Локомотив")

Шоҳруҳ Абдураҳмонов ("Энергетик-БГУ")

Владимир Йовович ("Яблонец").

Жамоа кетганлар ўрнини тўлдиришга фаол киришди. Масалан, U-17 Жаҳон чемпионатида Ўзбекистон дарвозасини қўриқлаган Муҳаммадюсуф Собиров, мудофаа вакилларидан Алексей Носко, Сардор Қулматов, Ислом Қобилов ва тажрибали Олег Зотеев таклиф этилди.


Фаолияти мобайнида Беларуснинг "Энергетик-БГУ" жамоасида легионер мақомида ҳаракат қилган хавбек Шоҳруҳ Абдураҳмонов, Черногория терма жамоаси ярим ҳимоячиси Владимир Йовович таркибга қўшиб олинди.

Бундан ташқари, черногориялик ҳужумчи Зоран Петрович билан шартнома имзоланди. 



"Сўғдиёна" устози Иван Бошкович янги мавсум олдидан ташкил қилинган интервьюда қуйидагиларни таъкидлаганди:

"Таркибни Суперлиганинг етакчи футболчилари билан кучайтиришга ҳаракат қилмоқдамиз. Бизнинг ўйин услубимиз ва вазифамиз ҳам селекция қилишда муҳим аҳамият касб этади", – деганди Бошкович. 


Йиғинлар ва ўртоқлик ўйинларидаги натижалар

"Сўғдиёна" жамоасининг хорижий йиғини Туркиянинг Анталия шаҳрида олиб борилди. Жамоа у ерда бир нечта ўртоқлик беллашувларида иштирок этди. 

Қуйида ўйинларнинг тўлиқ рўйхати ва улардаги натижалар билан таништирамиз:

16 январь | "Сўғдиёна" – "Сумгаит" (Озарбайжон) 1:3

Гол: Мавлонқулов.

22 январь | "Сўғдиёна" – "Малишева" (Косово) 1:1

Гол: Люпче Дориев.

25 январь | "Сўғдиёна" – "Висла" Плоцк (Польша) 2:3

Голлар: Мавлонқулов (дубль).

6 февраль | “Сўғдиёна” – “Ворскла” (Украина) 1:3

Гол: Люпче Дориев.

9 февраль | “Сўғдиёна” – “Селимбар” (Молдова) 2:2

Голлар: Петрович (дубль).

13 февраль | "Сўғдиёна" – "Бэлць" 2:2

Голлар: Абдураҳмонов (дубль).

19 февраль | “Сўғдиёна” – “Лиепая” 2:1

Голлар: Мавлонқулов (дубль).

"Сўғдиёна" қишки йиғинда жами 7 та учрашувда иштирок этди. Жамоа бу баҳслардан фақат 1 тасида ғалаба қозона олди, 3 марта дуранг ўйнаган бўлса, 3 та ўйинда мағлубиятга учради.


Мураббийлар штаби ва клуб бошқарувидаги ўзгаришлар

"Сўғдиёна" мураббийлар штабида айтарли ўзгариш кузатилмади. Клуб раҳбариятида ҳам ўзгариш амалга ошмади.


"Сўғдиёна"нинг тахминий таркиби

"Сўғдиёна"нинг "Нефтчи"га қарши ўйиндаги эҳтимолий таркиби қуйидагича кўриниш олади:

Митрович, Қобилов, Ёқубов, Салимов, Андреев, Зотеев, Абдураҳмонов, Сойибов, Петрович, Дориев, Мавлонқулов

Маълумот ўрнида, "Сўғдиёна" "Нефтчи"га қарши охирги 3 та ўйинда умуман гол уролмаган.

Муаллиф : Sherzod Nurmatov
Рейтинг: +4   

Фикрлар

championat.asia
< сўнгги янгиликларни кўриш
Яндекс.Метрика