«Сўғдиёна» ва «Олмалиқ» дуранг ўйнашди
04 авг 2013 19:47
Янгиликлар

«Сўғдиёна» ва «Олмалиқ» дуранг ўйнашди

Зоминда “Сўғдиёна” ва “Олмалиқ” ўртасидаги ўйин бўлиб ўтди.

Ушбу саҳифада ўйиннинг натижасини кузатиб боришингиз мумкин.

Ўйиннинг 6-дақиқасида 17 метрлар масофадан Байрамовнинг зарбасини дарвозабон қайтарди. Азамат Исроиловнинг тезликда амалга оширган қарши ҳужуми бурчак тўпи билан якун топди. 13-дақиқада Ренат Байрамов қанотдан ёриб кириб Бобирга қулай узатди. Яқин масофадан зарба билан ҳисоб очилди. 1-0. 15-дақиқада Зоҳир Пиримовнинг жаримадан ҳаволатиб узатган тўпини Тимур Кагиров бош билан дарвозага йўллади - 1:1. 22-дақиқада Зоҳир Пиримов жарима майдонига ёриб кирди ва тўпни қулай тарзда Эркиновга оширди. Шахбознинг зарбаси аниқ чиқди. Ҳисоб 1-2. 28-дақиқада Мурод Тошматовнинг бурчакдан ошириб берган тўпини Сухроб Бердиев бош билан дарвозага йўллади - 2:2. 33-дақиқада Тимур Кагиров иккинчи бор сариқ карточка олиб майдонни тарк этди. Биринчи бўлим якунланди.

Иккинчи бўлим бошланди. 50-дақиқада Шерали Жўраевнинг қанотдан ёриб кириб йўллаган зарбаси ноаниқ. 68-дақиқада Пиримовнинг жарима майдонига оширган тўпини Полвонов бош билан дарвозага йўллади. Бироз ноаниқ. 75-дақиқада майдон эгалари вакили Сардор Қаҳҳоров иккинчи сариқ карточка олиб майдонни тарк этди. Ўйин 2:2 ҳисобида якунланди.

«Сўғдиёна» (Жиззах) – «Олмалиқ» (Олмалиқ) 2:2 (2:2)

Ҳакамлар: Ҳ. Рўзиев (Тошкент), Р. Серазитдинов (Тошкент), А. Усмонов (Тошкент), И. Гормашов (Тошкент).

Голлар: Бобур Қосимов, 13 - 1:0 (пас Ренат Байрамов). Тимур Кагиров, 15 - 1:1 (пас Зоҳир Пиримов). Шахбоз Эркинов, 22 - 1:2 (пас Зоҳир Пиримов). Сухроб Бердиев, 28 - 2:2 (пас Муроджон Тошматов).

«Сўғдиёна»: Александр Меленчук, Асил Бегимқулов, Илёс Қурбонов (Маъруф Муродов, 81), Мурод Тошматов, Расул Ҳайитов (Элёр Орипов, 72), Зафар Нарзиқулов, Ренат Байрамов (Сардор Қаххоров, 58) Сухроб Бердиев, Сирож Ҳамроев, Ориф Мамажонов, Қосимов Бобур.
Захира: Ширинбой Абдуллаев, Жаводулла Ибрагимов, Ботир Каримжонов, Акмал Абдурахмонов.
«Олмалиқ»: Мақсатмурод Шомуродов, Темур Кагиров, Азамат Исроилов, Достон Абдурахмонов, Зоҳир Пиримов, Игорь Петкович, Шахбоз Эркинов (Зафар Полвонов, 46), Санжар Шоаҳмедов, Шерали Жўраев (Олим Навкаров, 65), Обид Жўрабоев, Дилявер Абибуллаев.

Захира: Умид Хонимқулов, Шариф Мирзаев, Маъмур Абдуллаев, Сардор Сотволдиев, Элёр Мамасолиев.

Огоҳлантиришлар: Тимур Кагиров 29, Обид Жўрабоев 40, Сардор Қаҳҳоров 63, Мурод Тошматов 90+2.

Четлатишлар: Тимур Кагиров 33 - Сардор Қаҳҳоров 75.

Назоратчи: С. Эрматов (Тошкент).

Ҳавола :

Манба : championat.asia

Янгиликларни Телеграмда ўқинг!

Рейтинг: