Славче Войнески: "Ал Дуҳайл" билан биринчи беллашувдан зарур хулосаларни чиқардик"
17 апр 2022 19:02
Янгиликлар

Славче Войнески: "Ал Дуҳайл" билан биринчи беллашувдан зарур хулосаларни чиқардик"

Осиё чемпионлар лигаси 4-тури доирасидаги "Ал Дуҳайл" билан беллашув олдидан "Пахтакор" бош мураббийи Славче Войнески ҳамда ҳимоячи Фарруҳ Сайфиев матбуот анжуманида қатнашди.

"Эртага бизни қизиқарли ва муҳим ўйин кутиб турибди. Иккинчи давра баҳслари бошланади. Мақсадимиз – чиройли футбол кўрсатиш ва ғалаба қозониш. Шогирдларим ва бутун жамоа билан фақат ютуқ ҳақида ўйлаяпмиз. Мухлисларимиз биздан ижобий натижалар кутишмоқда.

Олдимизда турган учрашувларда зафар қучишга бор кучимиз билан интиламиз. "Ал Дуҳайл" билан биринчи беллашувдан зарур хулосаларни чиқардик. Рақиб етакчиси Эдмилсонга қарши қандай ҳаракат қилишимизни эртага кўрамиз", – деди "Пахтакор" устози Славче Войнески.

"Биз учун жуда муҳим ўйин арафасида турибмиз. Майдонда ғалаба учун боримизни берамиз. Аввалги баҳсда рақибдан индивидуал маҳорат соҳиби Эдмилсон ёдда қолди, у "Ал Дуҳайл"нинг энг кучли нуқтаси бўлди. Келаётган ўйинда барчасини тўғрилашга уринамиз", – деди "шерлар" ҳимоячиси Сайфиев.

"Пахтакор" – "Ал Дуҳайл" учрашуви эртага Тошкент вақти билан 22:15 да бошланади. "Шерлар" 3 турдан кейин 3 очко тўплаган ҳолда "D" гуруҳида охирги ўринда боришмоқда.

Ҳавола :

Манба : "Пахтакор" матбуот хизмати

Янгиликларни Телеграмда ўқинг!

Рейтинг: +8