"Сити" ҳимоячиси Рубен Диаш - журналистлар талқинига кўра, АПЛда мавсум ўйинчиси. У де Брюйне ва Кейндан ўтди
20 май 2021 15:02
Янгиликлар

"Сити" ҳимоячиси Рубен Диаш - журналистлар талқинига кўра, АПЛда мавсум ўйинчиси. У де Брюйне ва Кейндан ўтди

Англия футбол журналистлари ассоциацияси (FWA) АПЛда мавсумнинг энг яхши ўйинчисини маълум қилди.

Бунга "Манчестер Сити" ҳимоячиси Рубен Диаш лойиқ деб топилди. У 1989 йилда "Ливерпуль" футболчиси Стив Никол олгандан бери бунга лойиқ кўрилган илк ҳимоячи бўлди.

24 ёшли португалиялик футболчи овоз беришда "Ман Сити"даги шериги Кевин де Брюйне ва "Тоттенхэм" форварди Харри Кейндан ўтиб кетди.

Диаш Манчестер клубига ўтган ёзда "Бенфика"дан ўтган эди. У жорий мавсум АПЛ доирасидаги 31та ўйинда майдонга тушди.

Ўтган мавсум FWA'нинг ушбу совринини "Ливерпуль" хавбеки Жордан Хендерсон олган эди.