Сирли ўзбек футболи. Ўзбекистон U-21 Хитойга бир мураббий билан кетиб, бошқа мураббий билан қайтмоқда

Эътиборлиси ушбу терма жамоани Хитойга Суннатилла Абдурасулов бош мураббий сифатида олиб кетганди. ЎФА расмий сайти 3 сентябрь куни берган хабарида қуйидаги жумлалар ёзилган эди.

Хабардан кўриниб турибдики, терма жамоа бош мураббийи Суннтилла Абдурасулов эди.

6 сентябрдаги хабарда ҳам ушбу жамоа футболчилари Абдурасулов шогирдлари эканлиги ёзилган. 

Қизиғи, 7 сентябрь куни энди жамоа устози сифатида бирданига икки нафар мураббий қайд этилди.

Бундан ҳам қизиғи, 8 сентябрь куни энди жамоа устози сифатида Жамшид Саидов қайд этилди ва ЎФА матбуот хизмати мусобақа якунлари борасида айнан ундан интервью олди.

Шу тариқа, Хитойга бошқа мураббий билан жўнаб кетган Ўзбекистон U-21 ортга бошқа мураббий билан қайтмоқда. Ўзбек футболида ҳамма нарса бўлиши мумкин. 

Нарзулла Сайдуллаев