Симеоне: "Реал" ва ПСЖнинг мағлубиятидан ҳайрон бўлмадим"

"Қироллик клуби" 1/8 финалнинг жавоб ўйинида "Аякс"га 1:4 ҳисобида мағлуб бўлди, ПСЖ эса "Манчестер Юнайтед"дан 3та гол ўтказиб юбориб, мусобақани тарк этди.

"Бу натижалардан ҳайрон бўлмадим. Чемпионлар лигасида кучли жамоалар иштирок этади, сўнгги йиларрда савия анча ошди.

Футболни кам томоша қиладиганлар бу натижалардан айжабланган бўлиши мумкин. Аммо мутахассислар бундай бўлишини кутишган.

"Ювентус"га қарши баҳс? Биз бир хил вазиятда эмасмиз. Туринликлар А Серия турнир жадвалида яққол пешқадам, биз эса ҳар бир баҳсда бор кучимизни сарфлашимиз керак" - дейди Симеоне.

"Атлетико" "Ювентус"га қарши биринчи баҳсда 2:0 ҳисобида ғалабага эришган эди.