Шуҳрат Мақсудов: "Футболчиларимга эътирозим йўқ. Барчани ғалаба билан табриклайман"

- Авваламбор, "Бунёдкор" футболчиларини, мухлисларини, ходимларини ғалаба билан табриклайман. Шу ўринда, шундай қийин паллада ўз ишини яхши бажараётган футболчиларга раҳмат айтмоқчиман. Нафақат футболчилар, балки, базамиз фаррошлари, қоровуллар, бизга овқат қилиб берадиган ошпазларимизга ҳам катта раҳмат айтаман. Ҳозирги аҳволимизда улар ҳам ўз ишларини сидқидилдан бажаришда давом этишмоқда. Шунингдек, шундай шароитлар ва ўйинни ўтказиш учун барча қулайликларни яратиб бергани учун АГМК клубига ҳам миннатдорлик билдираман.

Ўйинни ўзларингиз кўрдингиз. Футболчиларимга ҳеч қандай эътирозим йўқ.

- Лутфулла Тўраев билан боғлиқ ҳолатни бир тушунтириб кетсангиз. Мухлислар буни нотўғри тушунишмоқда.

- Мухлислар ўйинни томоша қилаверишсин. У ҳолат ўзимиз ўртамиздаги иш. Буни уларга умуман алоқаси йўқ. Лутфулла бизнинг асосий футболчимиз, сардоримиз. Кўп гаплар айнан унга айтилади. Шу сабабли бундан фожеа ясамаслик керак.