“Sho'rtan" futbol qoidalaridagi o'zgarishlardan xabardor etildi

Tolibjon Qosimov

10 fev 2017, 13:55

Ayni paytda yangi mavsumga Toshkentda tayyorgarlik ko'rayotgan “Sho'rtan” jamoasi murabbiylar guruhi va o'yinchilari uchun kecha - 8 fevral sanasida 2017 yilgi mavsumda amaliyotga joriy qilinishi ko'zda tutilgan “Futbol qonun qoidalaridagi yangiliklar va o'zgarishlar” to'g'risida o'quv seminari o'tkazildi.

O'zbekiston Futbol Federatsiyasi “Hakamlar va Nazoratchilar departamenti” tomonidan tayinlangan tajribali mutaxassis, Oliy liga hakami Vladislav Seytlin ushbu tadbirni olib bordi va unda maruza o'qidi. Seminar davomida “Oq bo'rilar” jamoasi murabbiylari va futbolchilariga 2017 yilgi milliy chempionatimiz uchrashuvlari va Kubok bahslari davomida qo'llaniladigan yangiliklar va o'zgarishlar tushintirildi, video lavhalar orqali batafsil ma'lumotlar berildi.

“Sho'rtan” PFK matbuot xizmati