"Шериф" мураббийсиз қолди. Ҳаммасига МЮ айбдор

Тўрт ой олдин клуб бошқарувига келган Степан Томас Манчестерга учишидан бир неча соат олдин истеъфога чиқишини маълум қилди.

Бунга "Юнайтед"га қарши ўйин сабаб бўлган кўринади. "Шериф" мавсумда илк бор Молдова чемпионатида "Петрокуб"га 1:0 ҳисобида мағлуб бўлди ва Томас шундай деди: "Афтидан, футболчилар Манчестердаги ўйин ҳақида ўйлашган. Диққат-эътибор жамланмаганди – бу менинг хатом".

Қизиғи, "Шериф" "Петрокуб"дан олти очкога илгарилаб кетган ҳолда чемпионатдаги пешқадамликни давом эттирмоқда.

"Олд Траффорд"даги ўйинда клубни ким бошқариши ҳозирча аниқ эмас.

Эслатиб ўтамиз, учрашув бугун Тошкент вақти билан 23:59 да бошланади.