Шавкат Саидов: "Ғалаба иккала жамоага ҳам зарур эди"

Шавкат Саидов, “Металлург” ФК, жамоа бошлиғи: Мусобақа жадвалининг қуйи қисмида ёнма ён бораётган иккала жамоага ҳам ўзаро учрашувда ғалаба сув ва ҳаводек зарур эди. Зеро бундай ўйинларда ютуқ даражаси олти очкога тенг, деб бежизга айтишмайди. Шу сабабдан ҳам “Обод”га қарши жиддий тайёрландик. Мураббийларимиз танлаган тактика иш берди. Тезкор киритган голларимиз эса вазифамизни енгиллаштирди. Яратилган вазиятларнинг барчасидан фойдаланганимизда ҳисоб бунданда йирикроқ бўлиши мумкин эди. Тўпураримиз Зоҳид Абдуллаевнинг ниҳоят “очилганидан” хурсандмиз.

“Обод” ўз майдонида анъанавий тарзда ҳужумкор футбол намойиш этадиган рақиб. Жамоанинг аксарият ўйинчилари ёш, ғайратли. Биз билан учрашувда уларга бироз тажриба етишмади деб ўйлайман. “Обод”га кейинги ўйинларда омад ёр бўлишини тилаймиз, дейди Шавкат Саидов.

"Металлург" матбуот хизмати