UZ

Сўнгги янгиликлар

09:08ОЧЛ 2. "Андижон" - "Ал Аҳли" учрашуви чипталарининг нархи маълум  0 08:40Sofascore. Шомуродов шериклари орасида энг яхшиси  0 08:13Суперлига. Бугун яна иккита учрашув бўлиб ўтади  0 07:44Элит ОЧЛ. "Насаф" "Ал Ҳилол"ни меҳмон қилади  2 05:55Суперлига. "Қўқон-1912" – "Бунёдкор" 2:2   0 01:58А Серия. "Рома" "Верона"ни, "Милан" эса "Наполи"ни мағлуб этди  13 23:57"Ливерпуль" ва "Реал" нидерландиялик иқтидор учун беллашади  6 23:28Ла Лига. "Барселона" "Реал Сосьедад"га қарши ўйинда камбэк қайд этди, Ямал тушганидан бир дақиқа ўтиб ғалаба голига ассистентлик қилди  64 23:13ОПЛ. "Сабаҳ" ўз уйида "Сумқайит" билан дуранг ўйнади, Раҳмоналиев тўлиқ ҳаракат қилди  1 22:52Илёс Зейтуллаев: "Майдонни бундай ажойиб ҳолатга келтирган инсонларга раҳмат. "Қўқон-1912"га қарши учрашувларимиз қизиқарли бўлмоқда"  4 22:43АПЛ. "Арсенал" "Ньюкасл"га қарши ўйинда камбэк қайд этиб, ғалабага эришди   22 22:20"Насаф"нинг "Ал Ҳилол"га қарши ўйиндан олдинги машғулотларидан ФОТОГАЛЕРЕЯ  1 21:45Баҳром Ҳайдаров: "Чиройли ўйин гувоҳига айландик, дуранг адолатли натижа"  1 21:19"Ал Ҳилол"нинг Қаршидаги машғулотларидан ФОТОГАЛЕРЕЯ  7 21:08Туркия Суперлигаси. Шомуродов гол урган ва Файзуллаев захирадан майдонга тушган ўйинда "Башакшехир" мағлуб бўлди, "Ризеспор"да ҳам 0 очко  21

Шаҳзод Азмиддинов "Пахтакор" мураббийлари – Арвеладзе, Хюистра, Войнески ва Шацкихни солиштирди Янгиликлар

Шаҳзод Азмиддинов "Пахтакор" мураббийлари – Арвеладзе, Хюистра, Войнески ва Шацкихни солиштирди

"Пахтакор" ҳимоячиси Шахзод Азмиддинов "Финт Тураева" подкастида Тошкент клубида ишлаган мураббийлар ҳақида фикрлари билан ўртоқлашди.

- Арвеладзе билан деярли ишламаганман, бир ойдан кам. Мен у ҳақда ҳеч нарса дея олмайман. Лекин аниқ айта оламанки, Хюистра жуда кучли мураббий. У тактик тайёргарликка эга эди, ҳаммаси тактика билан бўларди: "квадратлар", турли машқлар, ҳимоячилар билан алоҳида, таянч ярим ҳимоячилари билан алоҳида ишланарди. Ҳар бир футболчи маълум бир позицияда нима қилиши кераклиги ёзиб қўйиларди.

Войнески билан чиқишмас эдик. У "Пахтакор"га келиши билан мени таркибдан чиқариб юборди. Ундан олдин фаолият юритган Хюистра қўл остида озми-кўпми барқарор ўйнадим. Бир тайм ёки бутун ўйин, ҳатто ўнг қанот ҳимоячиси сифатида ҳам ўйнардим. Войнески келиши биланоқ мени захирага ўтказди.

Йиғиндаларда машғулот ўтказдик, ўртоқлик учрашувларида майдонга тушдик. Трансфер ойнаси ёпилишига 10-15 кун қолганида Войнески менга: "Бор, ўзингга янги жамоа қидир", деди. Мен: "Шуни вақтлироқ айтмайсизми? Сал олдинроқ айтганингизда, ўзимга янги жамоа топган бўлардим". Кейин шуғулланиб юрдим, баъзан ўринбосарлар жамоасида ҳаракат қилдим. Бироз вақт ўтгач, у мени бошланғич таркибга қайтарди, мен бир нечта ўйин ўтказдим, ҳаттоки ОЧЛда "Ал Таавун"га қарши ўйинда ҳам қатнашдим. Аммо Войнескининг менга муносабати унчалик яхши эмасди.

Максим Шацких – бутунлай бошқача мураббий. У жуда хушмуомала ва ҳар доим ёрдам беришга тайёр. У ва ўйинчилар ўртасида катта "масофа" йўқ, у ҳамма билан гаплаша олади. Шундай бўладики, агар футболчи икки-уч марта хатога йўл қўйса, мураббий дарҳол уни захирага ўтказиб қўяди. Шацких билан бундай эмас: агар футболчи бир неча марта хато қилса, уни қўллаб-қувватлайди. У кутади. Ҳатто менга шундай деган: "Мен яхшироқ ўйнашингни кутяпман. Кейин сени Европага ўзим жўнатиб юбораман".

Шаҳзод Азмиддинов иштирокидаги "Финт Тураева" подкастининг тўлиқ версияси билан қуйидаги ҳавола орқали танишишингиз мумкин (рус тилида):



Ушбу подкастда сиз қуйидагиларни билиб оласиз:

• Шаҳзод қандай қилиб кўча боласидан профессионал футболчига айланди;

• Муштлашувда оғир жароҳат олиб, футболни деярли тарк этгани;

• "Пахтакор"нинг жорий мавсумдаги натижалари;

• ва бошқалар.

Рейтинг: +4   

Фикрлар

championat.asia
< сўнгги янгиликларни кўриш
Яндекс.Метрика