Сервер Жепаров: "Ёшлигимда футзал ўйнаганман"
02 дек 2015 21:00
Янгиликлар

Сервер Жепаров: "Ёшлигимда футзал ўйнаганман"

Бугун футзал бўйича Осиё чемпионатига қуръа ташланди.

Қуръа жараёнида Осиёнинг икки карра энг яхши футболчиси, Ўзбекистон терма жамоаси ярим ҳимоячиси Сервер Жепаров иштирок этди. Ҳамюртимиз футзал ҳақида қисқача ўз фикрларини билдириб ўтди.

"Ёшлигимда футзалда ҳам ўзимни синаб кўрганман. Бироқ катта футбол менга кўпроқ ёқиб қолгани учун футболчи бўлишга қарор қилганман. Балки катта футболдаги фаолиятимни тугатгач футзал терма жамоасида ўйнарман", - дейди Жепаров.

Эслатиб ўтамиз, 2016 февраль ойида Тошкентда бўлиб ўтадиган Осиё чемпионатида Ўзбекистон футзал терма жамоаси Ливан, Қирғизистон ва Саудия Арабистони билан бир гуруҳда кураш олиб боради.

Ҳавола :

Манба : championat.asia

Янгиликларни Телеграмда ўқинг!

Рейтинг: +3