Сердар Азмун: "Ўзбекистон терма жамоаси сўнгги маротаба бизга жиддий муаммо туғдирганига 12 йил вақт бўлди"

Унинг фикрича, Ўзбекистон охирги марта Эронга 2012 йилда жиддий хавф солган.

Маълумот учун, Ўзбекистон Эронни 12 йил олдин ЖЧ саралаши доирасида "Озоди" стадионида Улуғбек Бакаевнинг голи эвазига мағлуб этган. Шундан сўнг миллий терма Эрон билан 9 марта рўбарў келган ва  2 та дуранг, 7 та мағлубият қайд этган.

"Эртанги ўйин қанчалик қийин эканлигини биламиз. Уч очко жуда катта аҳамиятга эга ва биз Ўзбекистонга қарши қандай ўйнашни биламиз. Ўзимизнинг энг яхши ўйинимизни намойиш этишга ҳаракат қиламиз", – дея айтиб ўтди Сердар Азмун.

Ўзбекистон ва Эрон ўртасидаги учрашувлар ҳар доим жуда томошабоп бўлиб келган. Эртанги ўйин олдидан ҳам Ўзбекистон футболчилари Эрон терма жамоаси ҳақида илиқ фикрлар билдиришди...

- Икки жамоа ўртасидаги суҳбатларни ёқтираман. Биз ҳар доим рақибни ҳурмат қиламиз. Бизнинг маданиятимиз шундай, лекин Ўзбекистон терма жамоаси сўнгги маротаба бизга жиддий муаммо туғдирганига 12 йил вақт бўлди. Биз эртага уч очкони қўлга киритишни мақсад қилганмиз.

Эслатиб ўтамиз, ЖЧ 3-саралаш босқичи 3-туридан ўрин олган Ўзбекистон – Эрон тўқнашуви эртага "Бунёдкор" стадионида ўтказилади. Учрашув 19:00 да старт олади.