"Саутгемптон" Эльеро Элиани сотиб олмоқчи
21 дек 2014 11:02
Янгиликлар

"Саутгемптон" Эльеро Элиани сотиб олмоқчи

"Саутгемптон" устози Рональд Куман январь ойида "Вердер" ярим ҳимоячиси Эльеро Элиани сотиб олиши мумкин.

Кетма-кет мағлубиятларга қарамай "авлиёлар" ҳамон еврокубокларга йўлланма олишлари мумкин. Шу боис Куман қишки трансфер бозори вақтида таркибни кучайтириш йўлларини изламоқчи.

Daily Mirror нашрининг хабарига кўра, Куман 27 ёшли Элиа учун 4 миллион фунт бермоқчи. "Гамбург" ва "Ювентус"нинг собиқ футболчиси "Вердер"да 2012 йилдан буён ўйнаб келмоқда. Голландия термасида у Арьен Роббеннинг ўринбосари ҳисобланади.

Элианинг Англияга кўчиб ўтиши ҳақида миш-мишлар 2011 йил августидан буён юрибди. Ўшанда уни "Ливерпуль" ва "Эвертон"га ўтиши ҳақида айтилганди. Бироқ Эльеро "Ювентус"га ўтиб у ерда ўзини кўрсата олмаганди.

Ҳавола :

Манба : fapl.ru

Янгиликларни Телеграмда ўқинг!

Рейтинг: