Саудия Арабистони "Форс Кўрфази кубоги-2014"да иштирок этади

Ҳисоб бўйича 22-бор ўтказиладиган мусобақага айнан Саудия Арабистони мезбонлик қилади. Унда жами 8та терма жамоа иштирок этади. Учрашувлар Ар Риёддаги иккита стадионда бўлиб ўтади: "Қирол Фаҳд" ва "Шахзода Файсал бин Фаҳд".

13-26 ноябрь кунлари оралиғида ўтувчи мусобақада Саудия Арабистони, Баҳрайн, Яман, Қатар, БАА, Қувайт, Ироқ ва Уммон каби жамоалар қатнашади.

Мезбонлар "A" гуруҳида Баҳрайн, Қатар ва Яманга қарши ўйнашади. "B" квартетидан эса БАА, Уммон, Қувайт ва Ироқ жамоалари ўрин олишган. Гуруҳларда биринчи ва иккинчи ўринни олган терма жамоалар ярим финалга чиқишади.

Форс Кўрфази кубогининг амалдаги ғолиби БАА терма жамоаси ҳисобланади. Араблар 2013 йил Баҳрайнда ўтган мусобақада тенгсиз бўлишганди.