Сарри - Дибаланинг асосий таркибда ўйнамагани ҳақида: "Барча футболчилардан бир вақтда фойдалана олмайман"

"Дуглас Коста кенг майдон бўйлаб ўйнайди ва голли вазиятлар ярата олади. Бироқ шунда ҳам у ўзининг яхши жисмоний ҳолатида эмас. Қачонки у юқори жисмоний ҳолатда бўлса, ростдан ҳам ўйинда туб бурилишлар ясай олади.

Дибалани асосий таркибга киритмаслик - катта хато, бироқ бизда ҳужумкор футболчилар жуда кўп. Уларнинг барчасидан бир вақтнинг ўзида фойдалана олмайман. Баланс бизга жуда ҳам керак. "Фиорентина"га қарши ўйинда Игуаин бизга жуда қаттиқ асқотарди.

Агарда барча ҳужумкор футболчиларни бир вақтнинг ўзида ўйнатсам, уларнинг айрим сифатлари йўқолиши ҳам мумкин. Масалан, Криштиану Роналдуни қанотда ўйнатиш бугун фойдасиз бўларди", - деди Сарри.