Сардор Мирзаев: “Муангтонг Юнайтед” мени хайрон қолдирди”

Бизнинг эътиборимизни тортган жиҳат футболчиларнинг таништирув маросимининг юқори савияда ўтказилгани бўлди. Фаолиятида илк бор легионерга айланган ярим ҳимоячи бу борада фикрини билдирди.

“Очиғи кутмагандим. Янги футболчиларни таништириш маросими кутганимданда юқори даражада ташкиллаштирилди. Ўзим ҳам ҳайрон қолдим. Ҳаммаси ажойиб. Бизда ҳали бунақаси бўлмаса керак. Бу ерда стадионлар, ҳомийлар, трансляция хуллас ҳаммаси зўр. Буни қарангки чемпионат баҳсларида ВАР ҳам тадбиқ этилган экан. Бир маротаба голимни ҳам ҳисобга олишмади. Таиландда футбол ўйлаганимдек паст эмас, анча ривожлангани кўриниб турибди”, - деди Мирзаев.

Футболчи билан батафсил интервьюни бир неча соатлардан сўнг сайтимизда ўқишингиз мумкин. Бизни кузатишда давом этинг.