Санжар Турсунов: «Мағлубиятни тезда унутиш керак…»

- Санжар, ўйин ҳақида нима дея оласиз?
- Яхши ўйин бўлди. Менимча фақат натижа ёмон бўлди. Афсуски учрашув сўнггида гол ўтказиб юбордик, бу - футбол. Кейинги ўйинларда бундай хатолар қилмасликка уринамиз.

- Яъни ишонч кейинги ўйинларда қайтишига шубҳа йўқ?
- Айнан шундай. Барча йигитлар борларини бериб ўйнашди, бу четдан ҳам кўринган бўлса керак.

- «Шахтёр»нинг биринчи голи оғир зарба бўлдими?
- Ҳисоб 1:1 бўлганида, биз яна гол уришни истадик. Дарҳол иккинчи голни ўтказиб юбордик… биринчи гол ҳам бўлмаслиги керак эди. Энди биз дарвоза тўсинини нишонга олганимизни ва бир неча вазиятлардан фойдалана олмаганимизни эслаш мумкин. Ушбу мағлубиятни тезда унутиш керак. Машғулотларда жиддий ишлаяпмиз, ижобий натижа яқин орада келади.

- Дарио Срна билан нега тортишиб кетдинглар?
- Кимдир уни туртиб юборди, Срна йиқилиб тушди... У ёғи ҳиссиётлар Буни эслашнинг умуман фойдаси йўқ.

- Дастлабки икки турдан сўнг нималар дея оласиз?
- Биринчи ўйинда ҳаяжон бўлгани аниқ. Бугун эса «Шахтёр»га қарши яхши ўйнадик. Фақат олдинга интиламиз, ғалабаларга яқин қолди, бунга ишониш керак холос.