Санжар Турсунов "Умм Салал"га ўтади
26 янв 2016 17:38
Янгиликлар

Санжар Турсунов "Умм Салал"га ўтади

Ўзбекистонлик ярим ҳимоячи Санжар Турсунов кеча Украинанинг "Ворскла" клубини тарк этгани ҳақида хабар бергандик.

Турсуновга Қатар клубидан жиддий таклиф тушгани учун Украина клубини тарк этгани барчага маълум. Футболчи Қатарнинг "Умм Салал" клубида фаолиятини давом эттиради.

Маълумот учун, "Умм Салал" клуби 1979 йилда ташкил топган. Жамоа Доҳа шаҳри шарафини ҳимоя қилади. Бош мураббий туркиялик Бюлент Уйгун ҳисобланади.

"Умм Салал" 15та турдан сўнг 23 очко билан мусобақа жадвалининг 5-поғонасида бормоқда.

Клубда бразилиялик Велинтон, эронлик Андраник Теймуриан, франциялик Жереми Алиадиере ва КотД Ивуар вакили Янник Сагбо каби легионерлар тўп тепишмоқда.