Санжар Риҳсибоев: "Машъал" билан оғзаки келишувга эришган эдим, аммо..."

Риҳсибоев иккинчи даврага тайёргарликни "Олмалиқ" клуби билан давом эттирмоқда. Ярим ҳимоячи тайёргарлик ҳақида фикр билдирди.

"Олмалиқ" жамоаси билан йиғин аъло даражада ўтди. Машғулотларда асосан жисмоний ҳолатимизга эътибор қаратдик. "Обод" жамоасини ўзинглар яхши биласизлар биринчи давра якунланганидан сўнг жамоанинг тақдири сўроқ остида қолди. Қишда "Олмалиқ" клуби менга қизиқаётганди, аммо "Обод" мени қўйиб юбормаган эди. Ўшанда томонлар ўзаро келиша олишмаганди. Ҳозир эса вазият ўзгарди. Иккинчи даврани "Олмалиқ" таркибида бошлайман. Олдимда бошқа вариант ҳам бор эди. Лекин улар орасидан кўпроқ "Олмалиқ" таклифи ёқди. "Олмалиқ"га келишимдан аввал Муборакнинг "Машъал" клуби билан оғзаги келишувга эришгандим. Лекин "кончилар" менга таклиф билан чиққандан сўнг фикрим ўзгарди ва "Олмалиқ" клубига кўчиб ўтдим. Виктор Кумиков кучли мураббий экан. Ушбу мутахассис қўл остида янада ўсишга ҳаракат қиламан", - дейди Санжар Риҳсибоев.

Жаҳонгир Сотволдиев суҳбатлашди