Самвел Бабаян: "Навбаҳор" майдонда бор кучини бериб ҳаракат қилди"

Cамвел БАБАЯН ("Пахтакор" менежери): - Бугунги ўйин биз учун жуда қийин кечди. Рақиб ҳимояга эътибор қаратди ва қарши ҳужумлардан фойдаланишга уринди. Бизда бир қатор имкониятлар юзага келди, бироқ улардан самара чиқара олмадик. Ниҳоят, ўйин охирида ўзимиз учун керакли тўпни киритдик. Легионер ҳимоячининг ишлатган қўполлиги туфайли гол урдик. "Навбаҳор" майдонда бор кучини бериб ҳаракат қилди. Бизга қарши ҳар бир жамоа бор имконияти билан тўп тепади. Терма жамоадан қайтган футболчилар ҳали аввалги ҳолатига қатйиб улгуришмади.
 
"Навбаҳор" бугун бир мақсад йўлида ўйнади. Бу жамоа ушбу ўйинини бошқа клубларга қарши баҳсларда ҳам кўрсатиши мумкин. Улар бугун ҳурматга лойиқ ўйин намойиш қилишди. Олий лигадаги ҳар бир жамоа ҳар бир учрашувда шундай ўйин кўрсатишини истаб қолган бўлардим. Бу чемпионатимиз учун фойдали.