Рустам Мирсодиқов: "Шўртан"га кейинги ўйинларда муваффақият ёр бўлишини тилайман"

Рустам Мирсодиқов, “Металлург” ФК бош мураббийи: - Учрашувни кўрдинглар, иккала жамоа ҳам бугун мазмунли, ҳужумкор футбол намойиш этишди. Аммо биз омадлироқ чиқдик. Стандарт вазиятлар устида кўп ишлаганлигимиз қўл келди. Ўзи “Шўртан”га қарши доимо яхши натижалар кўрсатиб келганмиз. Шунақа бўладику, қайсидир жамоа сизга ноқулай, сиз эса қайсидир клубга ноқулай рақиб бўласиз.

Тўғрисини айтсам бугун “Шўртан”нинг икки ҳужумчи билан ўйнашини кутгандим ва бу тактикага қарши ҳам тайёргарлик кўргандик. Уларнинг ўйин бошидан бизнинг жамоа сингари бир нафар ҳужумчи билан майдонга чиққанлиги бизга қўл келди. Бугун жуда муҳим ғалабани сақлаб қолган йигитларимизга раҳмат айтмоқчиман. Байрам арафасида мухлисларимизга ажойиб туҳфа бўлди, деб ўйлайман. “Шўртан”га эса кейинги ўйинларда муваффақият ёр бўлишини тилайман, дейди Рустам Тўхтамуродович.