Рустам Мирсодиқов: "Металлург" кўп йилдан буён фақат Олий лигада қолишни мақсад қилади"
29 окт 2013 19:16
Янгиликлар

Рустам Мирсодиқов: "Металлург" кўп йилдан буён фақат Олий лигада қолишни мақсад қилади"

Бугун бўлиб ўтган "Динамо" - "Металлург" (1:0) учрашувидан сўнг ҳар икки жамоа бош мураббийлари матбуот анжуманида иштирок этишди.

Матбуот анжуманининг иккинчи қисмида меҳмонлар бош мураббийи журналистлар саволларига жавоб бериб ўтди

"Ўйлашимча бугун Самарқанд жамоасига ғалаба кўпроқ керак эди. Улар турнир жадвалида ўз ўрнини сақлаб қолиш учун ҳаракат қилмоқда. Агар мағлуб бўлганда бу жамоага 23 очко билан қийин бўлар эди. Улар қўрқиб ўйнашди ва натижага эришди. Биз эса афсуски мағлуб бўлдик" - дея ўйин ҳақида дастлабки фикрларини билдириб ўтади Рустам Мирсодиқов

- Мавсум аввалида "Металлург" жамоаси олдига қўйилган вазифа қандай эди ва буни қай даражада бажарди деб ўйлайсиз?

Мана шу "Металлург"да неча йилдан буён иш олиб бораётган бўлсам бизни олдимизда фақат битта вазифа - Олий лигадан чиқиб кетмаслик қўйилади. Жамоамиз ҳам кўп йилдан буён Олий лигадан чиқиб кетмасликни мақсад қилади. Ундан ташқари чиройли ўйин кўрсатиб мухлисларни хурсанд қилиш вазифамиздир.

- "Металлург" жамоаси нега доим ҳамма очколарини биринчи даврада қўлга киритиб иккинчи даврада кўпроқ очко йўқотади?

Бу психология билан боғлиқдир. Агар биз биринчи давра етарли очколарни тўплаб олмаганимизда иккинчи давра катта маъсулият билан очколарни тўплашга ҳаракат қилар эдик.

Ҳавола :

Манба : championat.asia

Янгиликларни Телеграмда ўқинг!

Рейтинг: