Рустам Мирсодиқов: “Бир қатор футболчиларнинг йўқлиги билинди”

“Бугун озгина бизга тажриба етишмади. Чунки бугун асосий таркибнинг аъзолари Александр Ковалёв, Зоҳид Абдуллаев, Миртўра Акбаров ҳамда Шаҳзод Нурматов турли сабабларга кўра майдонга туша олишмади. Албатта уларнинг йўқлиги бугунги учрашувда билинди. Леким барибир ёшларга ҳам имконият бериш керак эди. Ўйлайманки тажрибали футболчиларимиз йўқлиги билинди", - деб гап бошлади Рустам Мирсодиқов.

- Бунгача “Нефтчи”га келиб қанча ўйнаган бўлсак, жамоанинг ўз ўйин услуби бўларди. Қандайдир руҳият бор эди. Лекин бугун бу нарса кўринмади. Бугун йўқотишлар бўлгани учун ўзимизнинг ҳам ўйинимизда бу нарса билинди. Футболда 2-3 та етакчиларнинг йўқлиги жамоа ўйинига таъсир кўрасатади. Агарда юқорида айтиб ўтилган ўйинчилар бўлганида бугун бошқача кечарди.

- Мағлубиятдан кейин хатони ўзимдан қидираман. Қаердадир хатога йўл қойилган ёки таркиб танлаш борасида хато қилган бўлишим мумкин.

- “Металлург” янги жамоа эмас. Шунинг учун кетма-кет мағлубиятлардан кейин йигитларни тайёрлаш қийин кечяпти деб айта олмайман. Деярли бир хил таркиб билан ўйнаяпмиз. Шу боис ўйлайманки кейинги учрашувга болларни тайёрлаш қийин кечмайди.